وەزارەتی بەرگری تورکیە بە بڵاو کردنەوەی تویتێک ڕایگەیاندووە یەکینەکانی پاراستنی گەل یەپەگە لە ڕۆژئاوای کوردستان ئەنجامدەری ئەو تەقینەوەیە.
لە بەرابەردا پەیجی فەرمی یەکینەکانی پاراستنی گەل یەپەگە ڕایگەیاندووە هیچ جۆرە دەستێوەردانێکی لەو تەقینەوەدا نەبووە و ڕەتی کردەوە هێزەکانی ئەوان تەقینەوەکەیان ئەنجام دابێت.
دوای بەدوای ئەم تەقینەوە تورکیە هێرشی ئاسمانی کردە سەر کانتۆنی شەهبا لە ڕۆژئاوای کوردستان کە ئاوارەکانی شاری عەفرین لەوێ دەژین. ڕوون نییە خەساری هێرشەکان چین .لە لایەکی دیکە هێزی ئاسمانی تورکیە بوردومانی چیای خواکورکی باشوری کوردستانی کرد و بەهۆیەوە دوو هاووڵاتی ڕۆژهەڵاتی کوردستان و خەڵکی شاری شنۆ کە بۆ کۆکردنەوەی گیای بەهاری سەردانی زۆزانەکانی خواکروکیان کردبوو گیانیان لە دەستدا.
شایانی باسە هەتا دێت ئاماری کوژراو و بریندارانی تەقینەوەکەی عەفرین بەرزتر دەبێتەوە.ىشاری عەفرینی ڕۆژئاوای کوردستان لە لایەن حکومەتی تورکیە و تیرۆریستانی ئەلقاعیدە داگیرکراوە.
