دوای ماوەیەکی کەم لە بانگەشەی نیکۆلاس مادۆرۆ، سەرۆکی ڤەنزوێلا، خەڵکی ناڕازیی ئەم وڵاتە لە چەند شارێکدا هاتنە سەر شەقامەکان و ناڕەزایەتییان دەربڕی.
نیکۆلاس مادۆرۆ کە بە یەکێک لە هاوبەشەکانی کۆماری ئیسلامی لە ئەمریکای باشوور ناسراوە، بانگەشەی ئەوەی کرد کە لەم هەڵبژاردنەدا زیاتر لە ٥١%ی دەنگەکانی بەدەستهێناوە.
ئەوە لە كاتێكدایە كە خەڵک حکومەتەکەی بە ساختە ناوبرد و هاوكات ماریا کۆرینا ماچادۆ سەرۆکی هاوپەیمانی ئۆپۆزسیۆن ڕایگەیاند کە ئێدمۆندۆ گۆنزالێس کاندیدی ئۆپۆزسیۆن ٧٠%ی دەنگەکانی بەدەستهێناوە.
شەوی ڕابردوو خۆپیشاندەرانی ڤەنزوێلا بەرەو کۆشکی مادۆرۆ ڕێپێوانیان کرد و پۆستەرەکانی مادۆرۆیان سووتاند و هێزە ئەمنییەکانیش تەقەیان لە خەڵک کرد.
هەروەها پەیکەری مادۆرۆ لەلایەن خۆپیشاندەرانی ویلایەتی فالکۆن ڕووخێندرا.
هەروەها ئەمریکا ڕایگەیاند کە ئەنجامەكان گوزارشت لە دەنگی ڕاستەقینەی خەڵک ناکەن و کۆماری ئیسلامیش مادۆرۆی بە براوەی هەڵبژاردن زانیوە و پیرۆزبایی لێ کردووە.
