AvaToday caption
بە پێى ڕاپۆرتى تۆڕی میدیایی ئاڤاتودەى، سەرچاوەیەکى خۆجێیی ڕایگەیاندووە کە کۆڕۆنا تەنگى بە پارێزگاى سیستان و بەلوچستان هەڵچنیوە.
ئەم ڤایرۆسە مەرگاوییە تووشى زیندانەکانى ئەم پارێزگایە بووە و بە هۆى گوێپێنەدان و پشتگوێخستنى بەرپرسان و نەبوونى پێداویستییە تەندرووستییەکان و هێشتنەوەى زیندانییەکان لە سلوولەکانیان بە قەرەباڵغى و دەستپێڕانەگەیشتنیان بە دەرمان و پزیشک، هۆکار بووە بۆ ئەوەى کە ئەم ڤایرۆسە زۆرتر بڵاو ببێتەوە.
تا ئێستا لە کۆى گشتى زیندانییەکانى زیندانى شارستانى سراوانى پارێزگاى سیستان و بەلوچستان، زیاتر لە ٢٥٠ کەس تووشى کۆڕۆنا بوونەتەوە. هەروەها ١٥ کەس لە پاسەوان و خزمەتگوزارانى زیندانەکەیش تووشى ئەم ڤایرۆسە بوونەتەوە و سەرۆکى زیندانەکەیش پێشتر بە هۆى ئەم نەخۆشییە جیهانییەوە مردووە.
