ڕادیۆ ئەنتەرنێتى لاورا ئینگرام کە ڕادیۆیەکى ئەنتەرنێتى ئازادە، گفتوگۆیەکى لەگەڵ مایک پەمپئۆ وەزیرى دەرەوەى ئەمریکا کردووە لەبارەى قۆناغى دووەمى گەمارۆ ئابوورییەکانى و کاریگەرییان لەسەر کۆمارى ئیسلامى، کە لێرەدا هەندێک لە ڕستە گرنگەکانى دەهێنینەوە:
▫️ تا گۆڕینى ڕەفتارى ئێران، بەردەوامى دەدەینە پاڵەپەستۆ ئابوورییەکانمان
▫️ بە پووچەڵبوونەوەى پیلانەکەى کۆمارى ئیسلامى لە داینمارک، دەرکەوت ڕێژیمى مەزهەبی ئێران گەورەترین پاڵپشتیکەرى تیرۆریزمە لە دونیا.
▫️ بە هۆى ئەم ڕەفتارە تیرۆریستیانەى ئێرانە کە سەرۆک ترامپ لە ڕێککەوتننامە ئەتۆمییەکە لەگەڵ ئێران دەرچوو.
▫️ ئێمە خواستێکى سادەمان هەیە، دەمانەوێت کۆمارى ئیسلامى وەک وڵاتێکى ئاسایی ڕەفتار بکات.
▫️ ئەگەر بەرپرسانى ئێران ڕەفتاریان بگۆڕن، ئێمەیش دڵخۆش دەبین تا ڕێگەیان پێ بدەین بێنە نێو کۆمەڵگەى نێونەتەوەیی.
▫️ بەڵام تا ئەودەم بەردەوام دەبین لەسەر پاڵەپەستۆکان.
▫️ بە دەستپێکى قۆناغى دووەمى گەمارۆ ئابوورییەکان، پاڵەپەستۆیەکى گەورە دەکەوێتە سەر خامنەیی.
▫️ هیوادارین پاڵەپەستۆى ئەم گارۆیانە، بەرپرسانى کۆمارى ئیسلامى ڕازى بکات کە خۆیان بگۆڕن.
▫️ ئەمە یەکەم جار نییە زەریف دەڵێ گەمارۆکان ئازاردەرن بەڵام ئەنجامیان نابێت.
▫️ بڕیاردەرى سەرەکى زەریف نییە، ئایەتوڵا خامنەییە، ئەو بەرامبەرى ئێمەیە، کەسێک کە بڕیارەکان دەدات.
▫️ ڕەنگە دەوڵەتە ئەوروپییەکان کەمێک دژى گەمارۆ ئابوورییەکان بن، بەڵام زۆرینەى کۆمپانیا ئەوروپییەکان لە ئێران دەرکەوتوون.
▫️ لەو بڕوایەدام بە تێپەڕینى کات هەموو وڵاتە ئەوروپییەکان تێدەگەن ئێران شێوێنەرى ڕۆژهەڵاتى ناوەڕاستە.
▫️ بۆیە دەبێت هەموو پاڵەپەستۆیەک بخەینە گەڕ بۆ ڕامکردنى ئەو ڕەفتارە خراپانەن.
