بەپێی نوێترین ئاماری ناوەندی فریاکەوتنی ئیلام، لە سەرەتای ساڵی ١٤٠٥ەوە تاوەکو ئێستا ١٧ حاڵەتی خنکان لە ئاوەکانی پارێزگاکەدا تۆمار کراون، کە بووەتە هۆی گیانلەدەستدانی ١٠ هاووڵاتی.
بەرپرسی پەیوەندییە گشتییەکانی فریاکەوتنی ١١٥ی پارێزگای ئیلام ڕایگەیاند، لە کۆی ئەو ١٠ کەسەی گیانیان لەدەستداوە، حەوت کەسیان لە شوێنی ڕووداوەکە و سێ کەسی دیکەیان دوای گواستنەوەیان بۆ ناوەندە تەندروستییەکان گیانیان سپاردووە. ئامارەکان نیشانی دەدەن کە زۆربەی قوربانییەکان پیاون.
قوربانییەکانی ئەمساڵ تەمەنیان لە نێوان ١٥ بۆ ٦٠ ساڵدایە، کە ١٦ کەسیان پیاو و یەک کەسیان ژن بووە. بەپێی داتا فەرمییەکان، مانگی گوڵان بە تۆمارکردنی ٩ حاڵەت، پڕڕووداوترین مانگی ساڵ بووە بۆ خنکان لە ناوچە ئاوییەکانی پارێزگای ئیلامدا.
ساڵانە لەگەڵ گەرمبوونی کەشوهەوا، هاووڵاتیان بۆ مەلەکردن ڕوو لە چەم، ڕووبار و دەریاچەی بەنداوەکان دەکەن. پسپۆڕان هۆشداری دەدەن کە مەلەکردن لەو ناوچانەی تیمەکانی فریاکەوتنیان لێ نییە، مەترسییەکی گەورەیە و پێویستە هاووڵاتیان تەنیا لەو شوێنانە مەلە بکەن کە بۆ ئەو مەبەستە دیاریکراون.
