شاهۆ محەمەدی لە دایک بووی ١٣٨٤ هەتاوی لە مهاباد ئەوڕۆ ١٣ی سەرماوەز لەیاری مەلەوانی لە ورمێ توانی بەشی ٢٥٠٠ میتری بە کاتژمێرێک ببڕێت و بەو شیوە ڕێکۆڕدی ئەو بەشەی لێدات.
ناوبراو لە ساڵی ٩٠ی هەتاوییەوە دەستی بە مەلە کردن کردووە و لە ساڵی ٩٣ ڕا بە شێوەی پڕۆفێشناڵ لە ژێر سەرپەرشتی موحسێن مازوچیدا دەستی بە ڕاهێنان لە هەر دووک بەشی کڕالی سینگ و پەروانەدا کردوە.
شاهۆ دو جار لە یارییەکانی ئۆلەمپیکی تایبەت بە ئێران لە بەشی کڕاڵی سینگدا توانیویەتی نیشانی زێڕ وەرگرێت و لە ساڵەکانی ٩٤ و ٩٥ دا لە یارییە نێوخۆییەکانی ئولەمپیکی تایبەت بە ئێران لە ئاستی وڵاتی ئێراندا بەشداری کردووە و هەروەها لە یارییەکانی
ساڵی ٩٧ دا لە ئولەمپیکی تایبەت بە ڕۆژهەڵاتی ناوەڕاست کە لە ئەبوزەبی بەڕێوە چوو وەک "ڕزێڕو" هەڵبژێردرا.
شاهۆ یەکەمین کەسی "سێندرۆمی داون" لە ڕۆژهەڵاتی کوردستان و ئێرانە کە لە یارییەکانی نێوان قوتابخانەکانی مەهاباددا بەشداری کردووە و ئەندامی ئولەمپیکی تایبەتی ئێرانە لە بەشی کۆڵ زێهنەکاندا.
شاهۆ جگە لە خەڵاتەکانی مەلە، یەکەمین کۆڵ زێهنی ڕۆژهەڵات و ئێرانە کە توانی لە یارییەکانی بەلەموانی ئاوە ئارامەکانی ئێران کە لە زەریاچەی ئازادی تاران بەڕێوەچوو نیشانی زێر بە دەست بێنێت.
