![ئەمه ئەرکی ولاتانی ئازاده که پا:پشتی ئیسرائیل بن لە جەنگ دژ به تیرۆریسم. ئەم جەنگه داهاتووی ئاشتی له جیهان دەستنیشان دەکات.](/sites/default/files/2024-06/F-35A_flight_%28cropped%29.jpg)
ڕۆژی سێشەممه، ١٥ جۆزەردانی ١٤٠٣ی هەتاوی، وەزارەتی بەرگری ئیسرائیل به فەرمی ڕایگەیاند، ماوەیەک لەمەو پێش شاندێکی باڵای نیزامی ئەو وڵاته سەردانی ئەمریکایان کردووه و ڕێککەوتنێکیان واژۆ کردووە که بەپێی ئەو ڕێککەوتنه دەبێت ولایەته یەکگرتووەکان ٢٥ فڕۆکەی شەڕکەر له جۆری F-35 ڕادەستی تلاڤیو کەن.
ئەو ڕاگەیندراوه دەڵێت، ڕادەستکردنی ئەو کۆمەڵه فڕۆکەیه لە ساڵی ٢٠٢٨ەوە دەستپێدەکات و هەر ساڵ سێ بۆ پێنج فڕۆکە دەبێت ڕادەستی ئیسرائیل بکرێت.
بەو پێیه، ڕێژەی گشتی فڕۆکه شەڕکەرەکانی ئیسرائیل له جۆری F-35i دەگاته ٧٥ فڕۆکە. جێگای ئاماژەیه پێشتر تلاڤیو ڕێککەوتنی وەرگرتنی ٥٠ فڕۆکەی F-35ی لەگەڵ واشنگتۆن واژۆ کردبوو که تاکو ئێستا تەنیا ٣٦ فڕۆکەیان وەرگرتووه.
هەروەها، ئیسرائیل ڕایگەیاندووه که کۆی ڕێککەوتنەکە نزیکەی سێ ملیار دۆلارە و لە ڕێگەی هاوکارییە سەربازییەکانی ئەمریکاوە بۆ ئیسرائیل دابیندەکرێت.