AvaToday caption
هێرشەکەى ئەوڕۆی سوپای پاسداران بۆ سەر بارەگای حیزبە کوردییەکان بە مووشەک بووە
هەواڵدەرییەکانی ئێران سەبارەت بە هێرشەکانی سەر لە بەیانی ئەوڕۆ چوارشەممە ١٩ پوشپەڕ بۆسەر بنکە و بارەگای حیزبەکانی ڕۆژهەڵاتی کوردستان لە ناوچە سنوورییەکانی نێوان باشوور و ڕۆژهەڵاتی کوردستان بڵاویان کردووەتەوە کە هێرشەکەی ئەمڕۆی سوپا لە ڕێگەی مووشەکەوە ئەنجام دراوە.
بە پێی ڕاپۆرتەکان سوپا لە هێرشی ئەوڕۆدا کەڵکی لە ڕاکێت هاوێژی ١٢٢ملیمیتری HM-120 وەرگرتووە. هێرشەکانیش لە شنۆوە ئەنجام دراوە و ئامانجی مووشەکبارانەکە کوێستانەکانی کێلەشین و هەڵگورد بووە.
بە هۆی مووشەک بارانەکەی ئەوڕۆ سوپای پاسداران کچێک بە ناوی زەیتون کە تەمەنی ١٨ ساڵە و خەڵکی گووندەکانی هەرێمی برادۆستە شەهید بوو و هەروەها دوو برای بە ناوەکانی سیروان و ئیسمایل بریندار بوون. هەروەها خەسارێکی زۆر وەبەر ڕەز و باغی خەڵکی سیدەکان و هەڵگورد کەوتووە.
