AvaToday caption
سەید کەیوان بەرفی خەڵکی سەید خەلەف لە ئەهواز کە بۆ نەشتەرگەری سەردانی شاری شیرازی کردبوو لەوێ چووە نێو خۆپێشاندەران و لە کاتی خۆپێشاندانەکانی کۆتایی مانگی گەڵاڕێزان دەکەوێتە بەر فیشەکی هێزەکانی سوپای پاسداران و شەهید دەبێت.
بۆ دانەوەی تەرمی سەید کەیوان سوپای پاسدارانی کۆماری ئیسلامی داوای ٧٠ ملیۆن تمەن لە بنەماڵەکەی دەکات و گوشاریان دەخاتە سەر کە بڵێن کوڕەکەیان بە ڕووداوی هاتوچۆ گیانی لە دەست داوە. لە کۆتاییدا و دوای تکا و پاڕانەوەی بنەماڵەی شەهیدەکە، سوپای پاسداران بە ٥٠ ملیۆن تمەن تەرمی کوڕەکەیان دەداتەوە.
تەرمی سەید کەویوان بەرفی ڕۆژی هەینی ١٥ سەرماوەز لە ئەهواز بە خاک سپێردرا.
کۆماری ئیسلامی دەسەڵاتێکی جنایەتکارە و تەنیا بە نەمانی ئەو گەلانی ژێر دەستی ئێران ڕووی خۆشی و ئاسایش لە ژیانیان دەبینن.
