ڕۆژی چوارشەممە ١٣ی خاکەلێوە (٢ی نیسانی ٢٠٢٤)، لە کاتی بەڕێوەچوونی ئاهەنگێکی نەورۆز لە شاری پاڵە، سەر بە شاری دێلڕان لە پارێزگای ئیلام، گرژی لە نێوان هێزە ئەمنییەکان و بەشداربوواندا ڕوویداوە و هاونیشتمانییەک دەستگیر کرا.
ئاهەنگەکە بە بەشداری ژمارەیەکی زۆر لە هاووڵاتییان بەڕێوەچوو. بەپێی ڕاپۆرتەکان، هێزە ئەمنییەکان هەوڵیان داوە دەستوەردان لە ئاهەنگەکەدا بکەن و ژمارەیەک لە بەشداربووان دەستگیر بکەن.
ئەم هەوڵە بووەتە هۆی دروستبوونی گرژی و پێکدادان لە نێوان هێزە ئەمنییەکان و بەشێک لە ئامادەبوواندا.
بە وتەی سەرچاوەکان و شایەتحاڵان، لە ئەنجامی پێکدادانەکاندا، ژمارەیەک هاووڵاتی بریندار بوون و هەروەها ژمارەیەکیش لەلایەن هێزە ئەمنییەکانەوە دەستبەسەر کراون.
بەپێی راپۆرتی ئاژانسی هەواڵی کوردپا، هاونیشتمانییەک بە ناوی فەرزاد عەبدی، خەڵکی پاڵە، لەلایەن هێزە ئەمنییەکانەوە دەستگیر کراوە.
