ئێوارەی ڕۆژی چوارشەممە ٢٤ی گەلاوێژی ١٤٠٣ی هەتاوی، گەلاوێژ محەممەدی ئەرشەد، لە ئەنجامی هێرشی هێزەکانی ئیدارەی ئیتلاعات له شاری مەهاباد لە کاتی گەڕانەوە لە شوێنی کارەکەی، دەستبەسەر و بۆ شوێنی نادیار گواسترایەوە.
بەپێی ڕاپۆرتی گەیشتوو به ئاڤاتودەی، گەلاوێژ محەممەدی ئەرشەد، تەمەن ٤٥ ساڵ و خەڵکی مەهاباد، بەرگدوورە و لە کاتی گەڕانەوە بۆ ماڵەوە، هێزەکانی ئیدارەی ئیتلاعات بە چوار ئۆتۆمبێل گەمارۆیان داوە و دەستبەسەریان کردووە.
هەتا کاتی نووسینەوەی ئەم هەواڵە، سەرەڕای بەدواداچوونی بنەماڵەکەی، زانیارییەکی ورد لەسەر هۆکاری دەستبەسەربوون و شوێنی ڕاگیرانی لە بەردەستدا نییە.
