بە پێی راپۆڕتی ماڵپەڕی هەواڵدەڕی مەجزووبانی نور، هەڵمژینی هەوای پیسبوو بە دووکەڵی مادەی هۆشبەر و سیگار، بووەتە هۆی زۆربوونی سەرێشە، بێحاڵی و لاوازبوونی "شکۆفە یەدوڵاهی" ژنە دەروێشی قۆڵبەستکراو لە گرتووخانەی ژنانی گەرچەک. بە گووتەی هابەندییەکانی شکۆفە بە هۆی سەرێشە و لاوازبوون تەنانەت توانایی جووڵە و قسەکردنیشی لە دەست داوە.
شکۆفە یەدوڵاهی بە هۆی توندوتیژی لە کاتی قۆڵبەستکرانیدا لە کاتی ڕووداوەکەی شەقامی گوڵستان بە هۆی شکانی سەری تووشی ئازار بووەوە و بە گووتەی پزیشکەکەى پێویستەدوور بێت لە دووکەلى سیگار و ژینگەیەکى ئاڵوودەبووى مادەى هۆشبەر. ئەو ژنە دەروێشە گونابادیانەی کە ئێستا لە گرتووخانە دەستبەسەرن، مافی بوونى پارێزەریان نییە و دوای قۆڵبەستکرانیان لە گرتووخانەدا ڕاگیراون و هەموویان بەتایبەتی شکۆفە یەدوڵاهی بە ٥ ساڵ زیندان سزا دراوە.
