گیلاد ئەردان، باڵیۆزی پێشووی ئیسرائیل لە نەتەوە یەکگرتووەکان، داوای لە ئەنجومەنی ئاسایش کرد بۆ چوونە دەری ئێران لە سوریە و مەحکومکردنی هێرشی بریکارەکانی ئێران لە دژی ئیسرائیل، بێتە مەیدان.
ئەردان لە نامەیەکدا بۆ سەرۆکی ئەنجومەنی ئاسایش نووسیویەتی: ئیسرائیل داوا لە ئەنجومەنی ئاسایش دەکات ئەو هەوڵە مەترسیدارانە کە دووپاتە دەبنەوە، مەحکوم بکات و داوای چوونە دەری تەواوی هێزەکانی ئێران و نوێنەرەکانی لە سوریە و نەهێشتنی ژێرخانە سەربازییەکانی ئەو وڵاتە لە خاکی سوریە بکات.
ئەردان ئەو نامەی دوای دۆزینەوەی چەند بۆمبی دەستکرد لە خاکی ئیسرائیل و لە ناوچە سنورییەکانی لە بڵینداییەکانی گوڵان نووسیوە. لە درێژەدا نووسیویەتی: دوای ئەو ڕووداوە. ئیسرائیل خێرا هێرشی کردووەتە سەر ئامانجە سەربازییەکانی تاران و دیمەشق لەناو خاکی سوریە بۆ ئەوەی ڕێگری بکات لە هێرشی زیاتر. ئاردن گووتویەتی حەشاردانی ئەو بۆمبانە ، پێشێلکردنی ڕاستەوخۆی ڕێککەوتنی ١٩٧٤ە و گوتووشیەتی بۆمبی دیکەی هاوشێوەی ئەوانەیان لە ٣ێی ئووت دۆزیوەتەوە.
ئاردن هۆشداری داوە و گووتویەتی ئەو هەوڵانە دەبنە هۆی زیادبوونی کێشەکان و جگە لە خەڵکی خۆجەیی ناوچەکە، بۆ ئەندامانی نەتەوە یەکگرتووەکان کە لەو ناوچەیەن مەترسیدارە. ئاردن ڕایگەیاندووە ئەو کارە لە لایەن نوینەرانی ئێران لە سوریە " هێزەکانی سوپای قودس" ئەنجام دراوە و ئەمە سەلمێنەری ئەوەیە کە خاکی سوریە جارێکی دیکە لە لایەن هێزە دووژمنەکانەوە کەڵکی لێوەرگیراوە.
ئاردن لە درێژەدا گووتویەتی: ڕژیمی سوریە بەردەوامە لەوەی ئیزن بە ئێران و هێزەکانی بدات بۆ ئەوەی لە خاکی ئەو وڵاتەوە و بە کەڵکوەرگرتن لە ژێرخانە سەربازییەکانی، کار بکات بۆ ئەوەی پێگەی خۆی بەهێز بکات و هەولەکان بۆ سەقامگیری ناوچەکە لاواز بکات.
ئاردن جارێکی دیکە داوای لە کردەوە کە پێویستە هێزە ئاشتی پارێزەکانی نەتەوەیەکگرتووەکان هاوشێوەی پێش ٢٠١٤ بگەڕێنەوە شوێنەکانی خۆیان و چالاکییەکانیان دەستپێبکەنەوە.
گیلاد ئاردن لە کۆتاییدا گووتویەتی: ئیسرائیل سوریە بە بەرپرسی هەموو ئەو هێرشانە دەزانێت کە لە خاکی ئەو وڵاتەوە دەکرێتە سەر ئیسرائیل و هەموو هەوڵێکی یاسایی بۆ بەرگری لە خۆیان لە بەرامبەر ئەو هێرشانە دەگرنە بەر.
