AvaToday caption
٤٧ وڵاتی بەشدار لە دانیشتنی ئەنجومەنی مافی نەتەوەیەکگرتووەکان لە ڕاگەیەندراوێکدا بە مەحکومکردنی پێشێلکردنی تووندی مافەکانی مرۆڤ لە ئێران، داوای ئازادکردنی بەندکراوانی سیاسیان کرد.
نوینەری ئاڵمان لە ٤٥ەمین دانیشتنی ئەنجومەنی مافی مرۆڤی نەتەوەیەکگرتووەکان ڕاگەیەندراوی هاوبەشی ٤٧ وڵاتەکەی بۆ پشتیوانی لە بەرگریکارانی بوێری مافەکانی مرۆڤی ئێران خوێندەوە.
هەموو ئەندامانی یەکیەتی ئەوروپا بە هاوڕێیەتی وڵاتانی دیکە لە ڕاگەیەندراوەکەدا بەکارهێنانی سزای سێدارە، پێشێلکردنی ئازادی ڕادەربڕین، ئەشکەنجە و هەڵسوکەوتی خراپ دەگەڵ بەندکراوان ، دانپێدانانی زۆرەملی و دەستپێرانەگەیشتن بە دادگایی دادپەروەرانەیان مەحکوم کرد.
