گراهام سناتۆڕی دەستڕۆیشتووی کۆماریخوازی ئەمریکا شەوی سێشەممە ٢٦ نۆڤەمبر بە کاردانەوە بە قسەکانی ئەم دواییەی حوسێن سەلام فەرماندەی سوپای پاسدارانی ئێران سەبارەت بە ئەمریکا و هاوپەیمانە ناوچەییەکانی گووتی : ڕژیمی ئێران تەنیا ڕۆژانێکی کەمی لە پێش ماوە.
لیندزی گراهام ڕۆژی سێشەممە لە ژمارە تویتەری خۆی ئاماژەی بە قسەکانی فەرماندەی سوپای پاسدارانی کۆماری ئیسلامی کرد و نووسی: بە پێچەوانەی ئەو قسانەی حوسێن سەلامی فەرماندەی سوپای پاسداران گووتی: گەورەترین هەڕەشە لەسەر خەڵکی ئێران نە دەوڵەتی ئەمریکا و نە خەڵکی ئەمریکان. ئەو کەسانەی هەڕەشەن لەسەر ئێران کەسانی پێڕەوی خامنەیین و نمونەکەی سەلامی.
سیناتۆری کۆماریخواز لە درێژەدا گووتی: ئەو شتەی کە بۆمن دەرکەوتووە ئەوەیە کە کۆماری ئیسلامی ڕۆژانێکی کەمی لە پێش ماوە. گراهام لە درێژەدا گووتویەتی: گوشارەکانی سەرکۆماری ئەمریکا دۆناڵد ترامپ بۆ سەر کۆماری ئیسلامی درێژەی دەبێ و کارێکی گەورە بە قازانجی خەڵکی ئێران ئەنجام دەدرێت .
سیناتۆر گراهام لە کۆتاییدا گووتی: ئەو ڕۆژەی ئەو ڕژیمە قاتڵ و ئینسانکوژە بڕووخێت جیهان دەبێ بە شوێنێکی ئەمنتر.
