بە پێی ئەو زانیاریانەی بە ئاڤاتودەی گەیشتووە، بەرپرسانی بورسی ئێران بە ئامانجی نیشاندانی گەشەی نەتەوەیی، ئاستی بەرزی و نزمی بازاری بوورسیان کەم کردووەتەوە بۆ ئەوەی دراوى کاش لە بازاڕی یەکەمی بورس کە کاریگەریەکانی بەهۆی پێنوێنی گشتی کەمە بگوێزرێتەوە بۆ بازاری سەرەکی بورس.
سەرچاوەی ئاڤاتودەی لە ڕێکخراوی بورس گووتی: لە ڕێککەوتی ١٣ هەتا ٢٥ خەرمانان بازاری سەرووبورس بە هۆی بڕیاری نەزانانە و نازانستی ڕێکخراوی سەروبورس داخراوە و بە کرانەوەی مەودای بەرز و نزمی لە ڕۆژێ ١٠ لەسەد بۆ حەوتووی ٩ لەسەد گۆڕانی بەسەردا دێت کە بە کردەوە تواناییەکانی ئەو بازارە بۆ کڕیاران لە ناو دەبات و ڕێزی فرۆشی دورودرێژ ساز دەکات.
هەمان سەرچاوە لە درێژەدا گووتی: بە زیادبوونی ناڕەزایەتی خاوەن پشکەکان بە هۆی لە دەستدانی سەرمایە، "هامونی" بەڕێوەبەری فەرابورس و "شاپور محەمەدی" بەڕێوەبەری بورس ناچار دەبن بە گۆڕینی مەودای بەرزی و نزمیەکان بۆ ڕۆژانە ١،٢و٣ لەسەد پێوەست بە ڕەنگی پێناسەکراو بۆ هێماکان دەبن کە سەرەڕای ئەوە ڕیزە دورودرێژەکان تەواویان نەهات و هیچ کڕیارێک بۆ بازار نەبوو تا ئەوڕۆ لە بەهای زۆربەی بازار زیاتر لە ٥٠% تووشی داشکان بووە.
ئێستا پشکدارانی بورس بە نیشانەی ناڕەزایەتی بەو بڕیارە، دەیانهەوێ ڕۆژی دووشەممە ٨ ڕەزبەر لە بەرابەر مەجلیسی کۆماری ئیسلامی کۆببنەوە. دوای بانگەوازی خاوەن پشکەکان بۆ کۆبوونەوە، بەرپرسانی بورس لە کاتژمێرە دواییەکانی سەوداکانی ئەورۆ هێماکانیان لە حاڵەتی فرۆش بردە دەرێ و ئەرێنیان کردنەوە بۆ ئەوەی پێش بە کۆبوونەوەی خاوەن پشکەکان بگرن.
هەروەها ڕێکخراوی بورس زانیاریەکانی پێش لە داخستنی بازاری سەرەتا واتە ١١ و ١٢ ڕەزبەر لە ماڵپەرەکەی سڕیوەتەوە بۆ ئەوەی دیار نەبێ کێ لە ڕێگەی ڕانتی زانیاری پشکی خۆی لەو دوو ڕۆژەدا فرۆشتووە و ئەوڕۆ بە داشکانی نرخی بازار دوو بەرابەریان کڕیوە.
