ڕەنگە نەوەی نوێ نەزانێت، ساڵی ٨٨ خوێندکارێکی شۆڕشگێڕ بەناوی "سانەع ژاڵە" کوڕی "قادر ژاڵە" و خەڵکی پاوە لەلایەن قەناس بەدەستێکی ڕژێمی کۆماری ئیسلامی شەهید کرا، تەنیا و بێکەس لە شەقامەکانی تاران خوێنیان ڕشت، حوسێن شەریعەتمەداری ناسراو بە حوسێن لێپرسەر و دارودەستەی، هەڵیانکوتایە سەر ماڵی باوکی، وتیان کوڕەکەتان لەلایەن هێزەکانی کۆماری ئیسلامی دەستبەسەر کراوە، هاوکاریمان بکەن با بە تەندروستی بیگەڕێنینەوە بۆ پاوە، وێنەیان دزی، کارتی بەسیجیانی بۆ دروستکرد و وتیان ئەم بەسیجییە لەلایەن خۆپیشاندەران کوژراوە و بە پڕۆپاگەندەیەرکی بێ وێنە تەرمەکەیان شار بەشار کرد و هاوکات دایکی و دوو برای لە ئیتلاعاتی پاوە بە دیلی ڕاگیرابوون کە ئەم سیناریۆیە هەتا کۆتایی بێخەوش بەڕێوەبچێت، سەرەڕای تۆقاندن و هەڕەشەیەکی زۆر، یەکێک لە براکانی بەناوی "قانەع ژاڵە" ئەو ترسەی شکاند و پێوەندی بە دەنگی ئەمریکا گرت و بە یەکێک لە ڕۆژنامەنووسەکانی ئەو کاتەی دەنگی ئەمریکا گوتی "کاک عەلی برای من بەسیجی نەبوو."
