دابینکردنی خانوو بە نرخی گونجاو ئەو ڕۆژانە بووەتەوە ئارەزوویێکی دوورەدەست، بە جۆرێک کە کرێنشیان بۆ وەدیهێنانی ئەو ئاواتەیان لە ژیانی نێو شارەکان دوور دەکەونەوە و ڕوو لە پەرواێزنشینی دەکەن.
یەکێک لە پڕ قیل و قاڵترین بازاڕەکان بازاڕی خانوبەرەیە، چیرۆکێکی زۆر و سەمەرە کە بە بەهایەکى زۆر گران جێگەی بە چینی نێوەڕاستى کۆمەڵگە تەنگ کردووە و ڕۆژ دواى ڕۆژ ژیانیان تووشی ناخۆشی دەکات.
بازاڕی خانووبەرە لە ئێران هیچ کات دۆخێکی سەقامگیری نەبووە و ئەو ڕۆژانە بە بەرزبوونەوەی نرخی دۆلار نرخی کرێخانوو سەری لە ئاسمان دەسوێ و کرێنشینانی لەگەڵ کێشەی گەورە ڕووبەڕوو کردووەتەوە. گرانبوونی تێچووی کڕینی خانوو وای کردووە ئەو ڕۆژانە کەم کەس بیر لە کڕینی خانوو بکاتەوە بە هۆکاری ئەوەی داهاتی کەم و نرخی لەسەرێ لە بنەڕەتدا توانایی کرینی ماڵی لە خەڵک هەستاندووەتەوە.
دەسەڵاتی کۆماری ئیسلامی توانایی کۆنتڕۆڵکردنی نرخی ماڵ و خانووی نییە و دەزگاکانی چاوەدێری بە کردەوە هیچ کارێکیان بۆ هێنانەخوارێی نرخەکان لە دەست نایێت. لە لایەکی دیکە خاوەن مڵک و ماڵەکان بۆخۆیان و سرنجدان بە بێ پلانی دەسەڵات بە ئارزوومەندانە نرخەکان زیاد دەکەن.
