پڕۆژەیەکی ٦٠٠ میلیۆن دۆلاری بۆ سازکردنی گەورەترین کۆنسوڵخانەی ئەمەریکا لە جیهان دا زۆرترە لە بڕە پارەی باڵوێزخانەی ئەمەریکا لە زۆر وڵاتی ڕۆژهەڵاتی ئەورووپا، ئەمەریکای لاتین و ئەفریقا.
ڕەوتی ڕووداوەکان بەرەو بە دەوڵەت کردنی کوردستانە؛ ڕەنگە کوردی باشوور کێشەی ناوخۆیی و دووبەرەکی و گەندەڵی وای لێکردبێت کە بیری دامەزراندنی دەوڵەت لەنێویاندا لاواز بووبێت بەڵام بەرژەوەندییەکانی ئەمەریکای دەوری کۆمارییەکان و ئەمنی قەومی ئیسرائیل وەک وڵاتێکی شوێن دانەر لەسەر ڕۆژئاوا، ئەوە دەخوازێ کە دەست تێوەردانێک لە جوغرافیای ناوچەکەدا بکرێت و هێندێک وڵات پارچە پارچە بکرێن. لەبەر ئەوەی هەم کۆنتڕۆڵیان هاسانترە، هەم باشتر دەکرێ نفوذیان تێدا بکەن و نابنە مەترسی بۆ سەر بەرژەوەندییەکانی ئەمەریکا.
هێشتا دیار نییە سەرکردایەتی کوردستان و حیزبە سیاسییەکانی چەندە هەستیاربوونی وەزعەکەیان پێ گرینگە؛ بەڵام ئەوەندە دەزانم کە ئاڵ و گۆڕەکان خێراتر لەوەی بیری لێ دەکەینەو، ڕوو دەدەن.
کۆنسوڵخانەی گشتیی ئەمریکا لە هەولێر 600 ملیۆن دۆلاری تێدەچێت و، بە 4 ساڵ لەسەر رووبەری 200 هەزار مەتر دووجار لەسەر رێگای هەولێر - شەقڵاوە دروستدەکرێت. کۆمپانیای EYPی ئەلبانی کە بارەگاکەی لە نیویۆرکە، سەرپەرشتی کاری تەلارسازی باڵەخانەکە دەکات.
