ڕێکخراوی نەتەوە یەکگرتووەکان ڕۆژی دووشەممە لە ڕاگەیێنراوێکدا، سزا قورسەکەی سەر چالاکانی کرێکاری ئێرانی بە ستەمکارانە ناو برد و داوای لە بەرپرسانی کۆماری ئیسلامی کرد سزای سەر چالاکانی کرێکاری لابات و ڕۆژنامەنووسان بە بێ هیچ مەرجێک ئازاد بکات.
فیلیپ لۆتێر بەرپرسی ناوەندی توێژینەوە و کاروباری یاسایی ڕۆژهەڵاتی ناوەڕاست و باکووری ئەفریقا لە نەتەوە یەکگرتووکان لەو بارەوە ڕایگەیاند: ئەو بریارە ستەمکارانە نوێترین کاری دەزگای دادوەری کۆماری ئیسلامی ئێرانە و نیشاندەری گرنگنەبوونی مافی کرێکاران و ڕۆژنامەنووسان لە لای بەرپرسانی ئێرانە.
کۆماری ئیسلامی سزای قورسی بەسەر تۆمەتبارانی دۆسیەی "قامیشی شەکری حەوت تەپەدا" سەپاندووە و سپیدە قولیان چالاکی مەدەنی، ئەمیرحوسێن محەمەدی فەرد سەرنووسەر و ئەمیر قولی و ساناز ئیلهیاری و عەسەل محمەمەدی ئەندامی دەستەی نووسەرانی گۆڤاری گام هەرکامەیان بە ١٨ ساڵ زیندانی بی بەخشین سزا دراون.
هەر لەو پەیوەندییەدا سمایل بەخشی چالاکی کرێکاری بە ١٤ ساڵ زیندانی و محەمەد خەنیفەر کرێکاری حەوت تەپە بە ٦ ساڵ زیندان سزا دراون.
ئەمریکا چەندین جار هەڵسوکەتی کۆماری ئیسلامی لەگەڵ کرێکاران، ژنان و چالاکانی مەدەنی ئەو وڵاتە ئیدانە کردووە و وەزارەتی دەرەوەی ئەمریکا ماوەیەک پێشتر گووتبوی ڕژیمی کۆماری ئیسلامی بەو پارەیەى لە سوریە خەرجی کردووە، دەیتوانی مووچەی کرێکاران بدات.
