یەکیەتی ئەوروپا ڕۆژی ڕابردوو هەشت دەسەڵاتداری ڕووسی بە لیستی ڕەشی خۆی زیادە کرد و گەمارۆی خستنە سەر. لە بەرامبەردا وەزارەتی دەرەوەی ڕووسیە ڕۆژی ٢٥ ڕەشەمە بە بڵاو کردنەوەی ڕاگەیەندراوێک بە نیشانەی کاردانەوە بەو بڕیاڕە نوێیەی ئەوروپا گووتی: لایەنی ڕووسی ئەو هەوڵە نادۆستانەی ئەوروپا بێ وەڵام ناهێلێتەوە.
گەمارۆکانی یەکیەتی ئەوروپا دژی ڕووسیە لە پێنجەمین ساڵیادی داگیرکردنی دورگەی کڕیمەیە لە لایەن ڕووسیە و ئەو کارە بە هاوئاهەنگی ئەمریکا و کانادا ئەنجام دراوە. دەسەڵاتدارانی ئەوروپایی دەڵێن ئەو گەمارۆیانە بە هۆی هێرش بۆ سەر سێ کەشتی ئۆکراینی و داگیرکردنی دوورگەی کڕیمەیە لە لایەن ڕووسیە. بە پێی بانگەشەی دەسەڵاتدارانی ئەوروپایی ئەو کەسانەی گەمارۆیان خراوەتە سەر دەسەڵاتدارانی ئەمنی و فەرماندە نیزامییەکانی ڕووسیەن کە هۆشداریان دابووە کەشتییە ئۆکرانییەکان.
بە پێی بڕیاڕی ئەو گەمارۆیە ئەو کەسانەی ئیزنی چوونە ژوور بۆ وڵاتانی یەکیەتی ئەوروپایان نابێ و سامانی ئەو کەسانە لەو وڵاتانە دەستی بەسەردا دەگیرێت. لە ڕاگەیێندراوەکەدا هاتووە بانگەشەی ئەوروپا لەمەڕ پێشێلکردنی یاسا نێودەوڵەتییەکان و پەنابردن بۆ زۆر لە لایەن ئەو وڵاتە لەگەڵ ڕاستییەکان کۆک نییە.
لە درێژەدا هاتووە ئەو هۆکارەی هاووڵاتیانى ئێمە بە هۆی کەوتوونە بەر گەمارۆ نیشاندەری ڕقی ئەوروپایە لە ئێمە و ئەو کەسانە تەنیا خەریکی کاری ئاسایی خۆیان بوون. بەو بڕیاڕە نوێیەی یەکیەتی ئەوروپا ژمارەی هاووڵاتیانى ڕووسیە کە گەمارۆیان لەسەرە گەیشتە ١٧٠ کەس و ٤٤ دامەزراوە.
