لاوانی شؤڕشگێری جوانڕۆ، بە بڵاو کردنی بانگهێشتنامەیەک، داوایان له خەڵکی شارەکەیان کردووه به "نەچوون بۆ بنکەکانی دەنگدان، بەڵێنێکی دووبارە بەدەین بە شەهیدانی شارمان و پشتیوانی بکەین لە بنەماڵەی سەربەرزیان".
روژی دوشەمه، ٧ی ڕەشەمەی ١٤٠٢ هەتاوی، لاوانی شۆڕشگێڕی جوانڕۆ، بە بڵاو کردنی بانگهێشتنامەیەک ئاماژه به مێژووی پڕ له خوێن و دڕەندەیی کۆماری ئیسلامی لەبەرامبەر گەلی کورد دەکەن و دەڵێن: "بە ڕەچاو کردنی ٤٥ ساڵ چەوسانەوە و کوشتن و لە سێدارەدانی لاوانمان له لایەن ڕژێمی دژە مرۆڤی ئاخووندی، دیسان دیکتاتۆری خوێنمژ دەمامکی فریشتەی لە ڕووخساری شەیتانی خۆی ناوە دەیهەوێت بە شانۆی هەڵبژاردن دەڵاڵانی مەرگ و نەمانی ئێمە، بە ڕشتنی پەنجە لە خوێنی شەهیدان، هەڵبژێرێ".
لەم بانگهێشنامەیه لاوانی جوانڕۆ جارێکی دیکە ئاماژه به سووربونیان لەسەر پەیمان و بەڵێنیان لەەگەڵ شەهیدانی ڕێگای ئازادی دەکەن و دەڵێن: "ئێمە لاوانی شۆڕشگێڕ وێڕای پێزانین و وەفا بە ڕێبازی شەهیدان و سوور بوون لەسەر بەردەوامی شۆڕش بۆ ڕووخاندنی ئەو ڕژێمە ترسناکە تا دوا دڵوپی خوێن".
ئەوان هەروەها روو له هاوشارییەکانیان دەکەن دەڵێن: "داواکارین لە خەڵکی جوانڕۆ وەک بەرپرسیارێتی کوردستانی خۆیان ڕۆژی هەینی ١١ ڕەشەمە بە مانەوە لە ماڵەوە و نەچوون بۆ بنکەکانی دەنگدان بەڵێنێکی دووبارە ئەدەین بە شەهیدانی شارمان و پشتیوانی ئەکەین لە بنەماڵەی سەربەرزیان".
له بەشێکی دیکه له بانگهێشتنامەکه ئاماژه به دوو بکوژی ڕۆلەکانی گەل دەکرێت که خۆیان شانۆی هەڵبژاردن بەربژێر کردوه و هوشداری دەدەن: "ئێستا ڕژێم پێچەوانەی ساڵانی پێشوو وێڕای هێنانەوە هەموو جاش و سیخورەکانی، لەم خۆلەی شانۆەکەی بە بەربژێرکردنی دوو بکوژ و خوێنڕێژی لاوانی شارەکەمان محەممەد ڕەئوف قادری و ڕزگار یوسفی، کە ڕاستەوخۆ دەستیان هەبووه لە شەهید کردنی ١٣ کەس لە سەرماوەزی ١٣٧٥ و ٣٢ کەس لە خەزەڵوەری ١٣٩٨دا، گاڵتە بە خواست و مافی ڕەوای ئێمە و خەڵکی شار دەکات. بۆیە بەشداری هەر کەسێ لەم شانۆیە پەنجە خستنە نێو خوێنی شەهیدان".
دەقی تەواوی بانگهێشتنامه‌که:
کۆمەڵانی خەڵکی کوردستان
ئازادیخوازان، شۆڕشگێڕان و
خەڵکی بەشەرەفی قەڵای شەهیدان
بە ڕەچاو کردنی ٤٥ ساڵ چەوسانەوە و کوشتن و لە سێدارەدانی ڕژێمی دژە مرۆڤی ئاخووندی، دیسان دیکتاتۆری خوێنمژ دەمامکی فریشتەی لە ڕووخساری شەیتانی خۆی ناوە و دەیهەوێت بە شانۆی هەڵبژاردن، دەڵاڵانی مەرگ و نەمانی ئێمە بە ڕشتنی پەنجەمان لە خوێنی شەهیدان، هەڵبژێرێ.
ئێمە لاوانی شۆڕشگێڕ، وێڕای پێزانین و وەفا بە ڕێبازی شەهیدان و سوور بوون لەسەر بەردەوامی شۆڕش بۆ ڕووخاندنی ئەو ڕژێمە ترسناکە تا دوا دڵوپی خوێن، داواکارین لە خەڵکی جوانڕۆ وەک بەرپرسیارێتی کوردستانی خۆیان، ڕۆژی هەینی ١١ ڕەشەمە بە مانەوە لە ماڵەوە و نەچوون بۆ بنکەکانی دەنگدان، بەڵێنێکی دووبارە ئەدەین بە شەهیدانی شارمان و پشتیوانی ئەکەین لە بنەماڵەی سەربەرزیان.
ئێستا ڕژێم پێچەوانەی ساڵانی پێشوو، وێڕای هێنانەوە هەموو جاش و سیخورەکانی، لەم خۆلەی نمایشەکەی بە بەربژێرکردنی
دوو بکوژ و خوێنڕێژی لاوانی شارەکەمان "محەممەد ڕەئوف قادری" و "ڕزگار یوسفی"، کە ڕاستەوخۆ دەستیان هەبووه لە شەهید کردنی ١٣ کەس لە سەرماوەزی ١٣٧٥ و ٣٢ کەس لە خەزەڵوەری ١٣٩٨دا، گاڵتە بە خواست و مافی ڕەوای ئێمە و خەڵکی شار دەکات، بۆیە بەشداری هەر کەسێ لەم شانۆیە، پەنجە خستنە نێو خوێنی شەهیدان.
بژی کورد
بژی کوردستان
ژن ژیان ئازادی
لاوانی شۆڕشگێڕی جوانڕۆ
حەوتی ڕەشەمەی ٢٧٢٣ی کوردی
