دوای لەقاودانی ئاڤاتودەی و بەهۆی ترس لە ڕاپۆرتی زیاتر، بەڕێوەبەری گشتی گەندەڵی حیراسەتی زانستگەى ئازادی کرماشان لە کارەکەی دوور خرایەوە
ئەمیری لەو پاسدارە ئەمنیانەی زانستگای ئازاد بوو کەبە هاوڕێیەتی فەریبورز یوسفوەند جێگری فێرکاری و حوسێن شێخ الملوک بەڕیوەبەری گرووپی حقوق، پێکەوە سەرۆکایەتی باندی گەندەڵی زانستگایان دەکرد.
یۆسفوەند بە وەڕێخستنی هێلانەی گەندەڵی و کەڵکئاژۆی سێکسى لە خوێندکاران و هێندێک لە مامۆستایان، تەنیا مامۆستای زانستگای ئازاد بوو کە نامەی ٧٧٧ کەسی واژوو کرد و خوازیاری ڕووبەڕووبوونەوە لەگەڵ سەرهەڵدانی مانگی بەفرانبار بوو.
لەسەرکار لادانی ئەمیری گەندەڵ دوو حەوتوو دوای لەقاودانی ئاڤاتودەی ئاکامی ترسی زانستگای ئازادە لە بڵاوکردنەوەی بەڵگە و بابەتی زیاتر لە دژی دەستوپێوەندە گەندەڵەکانی ڕژیم لە زانستگای کرماشان.
قوربانیکردنی ئەمیری بۆ ئارامکردنەوەی کەشی زانستگا لە بەرەبەری ساڵی نوێی خوێندندایە بۆ ئەوەی زانستگا بە کەشێکی ئارام و دوور لە پەراوێز ساڵی نوێی خۆی دەست پێ بکات. خوێندکارانی کرماشان و مامۆستایانی بوێر بە لەقاودانی زیاتر ئیزنی پەلهاویشتنی زیاتر بە مۆرە گەندەڵەکانی ڕژیم نادەن.
بێدەنگی لە بەرابەر ڕژیمێکدا کە لە گەندەڵی سیستماتیکدا نوقم بووە خیانەت بە کرماشان و هەموو ڕۆژهەڵاتی کوردستانە.
