جەبار ئەوێهەنگی
دوو هاونیشتمانی خەڵکی شاری سنە لەلایەن هێزە ئەمنییەکانی ئێرانەوە دەستگیر کران. هێزە ئەمنییەکان بەڵگەی دادوەرییان بۆ گرتنی ئەوان نیشان نەداوە و هۆکاری دەستگیرکرانیان روون نییە.
جەبار ئەوێهەنگی، فەرمانبەر شارەوانی شاری سنە، رۆژی دووشەممە 24 بەفرانبار دەستگیر کراوە و بۆ شوێنێکی نادیار گوێزراوەتەوە.
ئەو خەڵکی گوندی ئەوێهەنگ سەر بە شاری سنە، بەڵام دانیشتووی شاری سنەیە.
هەمان رۆژ هێزە ئەمنییەکانی شاری سنە هاوڵاتییەکی دیکەیان بە ناوی فەرهاد مینبەری، تەمەن 30 ساڵ و خەڵکی گوندی نییەر، سەر بە شاری سنەیان دەستگیر کردووە.
فەرهاد مینبەری لەنێو شاری سنە و لە مەیدانی ئیقباڵ دەستگیر کراوە و هۆکاری دەستگیرکردنی ئەو هاونیشتمانییە و شوێنی راگرتنیشی روون نییە.
