AvaToday caption
لە سنوورەکانی ڕۆژهەڵاتی کوردستان هەر گیانلەبەرێک بجوڵێتەوە، هێزە چەکدارەکانی کۆماری ئیسلامی بە بێ ئاگادارکردنەوە دەسڕێژی گوللەى لێدەکەن و گیانی لێ دەستێنن.
ڕۆژی دووشەممە ٢٥ خەرمانان هێزە چەکدارەکانی کۆماری ئیسلامی لە ناوچەی قوتور سەر بە شاری خۆی پارێزگەی ورمێ تەقەیان لە شوانێکی کوردی خەڵکی ئاوایی ترکەشئاوا بە ناوی جەحفەر ئەحمەدی کرد و کووشتیان.
پێویستە کۆمەڵگەی ڕۆژهەڵاتی کوردستان و بەشەکانی دیکەی کوردستانیش لە حاند ئەو کۆمەڵکوژییەی ڕۆژانە لە سنوورەکانی ڕۆژهەڵاتی کوردستان و لە لایەن هێزە چەکدارەکانی کۆماری ئیسلامی بەرامبەر خەڵکی زەحمەتکێش و کۆڵبەری کوردستان دەکرێت بێدەنگ نەبن و لە ڕێگەی جۆراوجۆرە ناڕەزایەتی بەو کارە نیشان بدەن.
