حوسەین ڕاغفەر، ئابووریناس و توێژەرێکى ئێرانى، بە ئیسناى گوتووە کە لەسەر بنەماى لێکدانەوەکانى ئێمە "هێڵى هەژارى ڕەها" بۆ بنەماڵەیەکى چوار کەسى شارى نزیکەى چوار ملیۆن تمەنە و لەسەر ئەم بنەمایە ٣٣%ى دانیشتوانى ئێران تووشى "هەژارى ڕەها" و ٦% لەسەر "هێڵى برسیەتى"ـین.
هەرچەندە بە پێى ڕوانگەى دەوڵەت، "هێڵى هەژارى ڕەها" بۆ بنەماڵەیەکى پێنج کەسى نزیکەى ٧٠٠ هەزار تمەنە، کە ئەم بڕە پارەیە تەنانەت ناتوانێت دابینکەرى نان و خوانەکەیان بێت.
بە پێى ئاستى دیاریکراو لە لایەن بانکى جیهانییەوە، "هێڵى هەژارى ڕەها" دۆلارێک و هەشتا سێنتە لە ڕۆژێکدا بۆ کەسێک، یا هەر بە پێى ڕوانگەى بانکى جیهانى، بەکاربردنى ڕۆژانەى کەمتر لە دوو هەزار و دووسەد کالۆرییە لە ڕۆژێکدا، بۆیە بەم پێیە ٣٣% دانیشتوانى ئێران واتە نزیکەى ٢٦ ملیۆن کەس تووشى هەژارى ڕەها بوونەتەوە و ١٢ ملیۆن کەسیش لە بن هێڵى "هەژارى ڕەها"دان و لە نێوان ٢٤ بۆ ٣٠ ملیۆن کەسیش لە بن هێڵى "هەژارى ڕێژەیی" دان.
