ژینگەى کوردستان لە سایەى کۆمارى ئیسلامى خەریکى بەرەو وێرانبوون دەچێت، ماوەیەکى زۆرە سووتاندنى دارستانەکانى کوردستان بە دەستى سوپا بەردەوامە و ژینگە و دارێکى زۆر بوونەتە قوربانى پیلانى ڕەشى سوپاى تیرۆریست!
ئێستاش لە ناوچەى مەهاباد، کەسانێکى وەکو ئەسغەر گوڵغارى کە خەڵکى ئیسفەهانە بە هاوکارى لوقمان بایەزید کە چەکدار و قۆڵدورى ناوچەکەیە، خەریکن ژینگە و شوێنى گەشتیارى سەر مەیدانى مەهاباد تێک دەدەن.
ئەم شوێنە کە شوێنى گەشتیارى و خۆش ئاو و هەوا و خاوەن شوێنى مێژوویی و کەونارایە، لە لایەن ئەم کەسانەوە وێران کراوە و بەردەوامن لەم کارەیان!
ئەم کەسانە بە زۆرى و هەڕەشە و درۆ و بەڵێنى درۆیین، زەوى زۆربەى بنەماڵەکانى ئەم ناوچەیان دەست بەسەردا گرتووە. تەنانەت دەستیان گرتووە بەسەر زەوى بنەماڵەى ئیرا کە زۆرینەیان هەتیو و بچووکن و برا گەورەى بنەمالةکە لە ڕێکەوتى ٣/٣/١٣٩٦ى هەتاوى، لە ناوچەى قەمتەریەى پیرانشار بۆ پەیداکردنى پارووە نانێک، بە گوللە لە نێو توێتتایەکدا کە کارى لەسەر دەکرد و جگەرەى دەبرد، کوژرا!
ئەسغەر گوڵغارى بە هاوکارى لوقمان بایەزیدى، ناوچەیەکى زۆرى کوردستانیان وەک نۆبار و کارگ و هەرمە و ئوزەندرەیان وێران کردووە و ئەم کارەشیان بە ئاگادارى بەرپرسانێکى وەک جەلالى مەحموودزادە ئەنجام دەدەن!
