لێبوردنی نێودەوڵەتی بە بڵاوکردنەوەی ڕاگەیەندراوێک داوای لە بەرپرسانی ئێران کرد بێ وەدرەنگێ خستن شوێنی ڕاگرتنی بەندکراوی سیاسی و مەحکوم بە ئیعدامی کورد هیدایەت عەبدوڵاپور و هەروەها سێ بەندکراوی مەحکوم بە ئیعدامی عەرەب حوسێن سێلاوی، عەلی خەسرەجی و ناسر خەفاجیان ڕوون بکاتەوە.
بەرپرسانی ڕژیمی خامنەیی هیچ زانیاریەک سەبارەت بە چارەنوسی هیدایەت عەبدوڵا پور و بەندکراوە عەرەبە مەحکوم بە ئێعدامەکان نادا بە بنەمالەکانیان و ئەوەش وایکردووە نیگەرانی بنەماڵەی ئەو چوار بەندکراوە لەمەڕ ئەشکەنجە یان لەسێدارەدانیان بە شاراوەیی زیادی کردبێت.
هیدایەت عەبدوڵاپور لە ٢٠ی بانەمەڕی ئەمساڵەوە و حوسێن سیلاوی، عەلی خەسرەجی و ناسر خەفاجیان لە ١٢ی خاکەلێوەی ئەمساڵەوە بێسەروشوێن کراون و لە بەندیخانەکانی خۆیانەوە بۆ شوێنێکی نادیار ڕاگوێزراون.
ئەو چوار بەندکراوە بە دادگاییەکی زۆر ناعادڵانە و بە ئەسکەنجەی زۆرەوە کە هیچ کات لێکۆڵینەوەی لەبارەوە نەکرا بە ئیعدام مەحکوم کراون.
خۆبواردنی بەرپرسان لە دانی زانیاری بە بنەمالەکانیان سەبارەت بە چارەنووسیان و شوێنی ڕاگیرانی ئەو چوار کەسە کردەوەیەکی بێبەزەییانە، نامرۆڤانە و بەرابەرە لەگەڵ تووندوتیژیەک کە بە پێی یاسا نێودەولەتیەکان تاوان بەئەژمار دێت.
