ڕێکخراوی لێبوردنی نێودەوڵەتی: ئێعدامی حەیدەر قوربانی هەڵوەشێتەوە

ڕێکخراوی لێبوردنی نێودەوڵەتی لە نامەیەکی فەرمیدا بۆ سەرۆکی دەزگای دادوەری کۆماری ئیسلامی داوای لێکردووە سزای ئێعدامی حەیدەر قوربانی هەڵوەشێنێتەوە.

بەندکراوی سیاسی کورد حەیدەر قوربانی لە گرتووخانەی سنە ڕاگیراوە و بە تۆمەتی" بغی" مەترسی ئێعدامی لەسەرە. دیوانی بەرزی ئێران نیوەی یەکەمی مانگی خەرمانان داوای پێداچوونەوە بەسەر دۆسیەی حەیدەر قوربانی ڕەتکردبووە.

کۆماری ئیسلامی بە دانپێدانانی زۆرەملی و لە ژێر ئەشکەنجەدا دۆسیەی حەیدەر قوربانی بە کووشتنی سێ ئەندامی بەسیج گرێداوەتەوە و دەشڵێ پێوەندی بە حیزبی دێموکراتی کوردستانی ئێرانەوە بووە.

حەیدەر قوربانی خاوەن ژن و منداڵ، تەمەن ٤٧ ساڵ و خەڵکی کامیارانە.