دیاکۆ

ئەمڕۆ سەعات ٨ى بەیانى دووشەممە، سێ کەسى خوار تەمەن ٢٥ ساڵ بە چەکەوە هێرشیان کردە سەر باڵەخانەى پارێزگاى هەولێرى باشوورى هەرێمى کوردستان و پاش ڕووبەڕووبوونەوەیەکى چەند ساعەتە هەر سێ کەسەکە کوژران، لەم هێرشەکردنەشدا خزمەتگوزارێک کوژرا و سێ پۆلیس و فەرمانبەرێک بریندار بوون.

کاتژمێر ٢:٣٧ خوولەکى یەکشەممە ٣١ى پووشپەڕ، بوومەلەرزەیەک بە هێزى ٩/٥ ڕیختەر تازەئاواى کرماشانى لە ڕۆژئاواى وڵاتى ئێران هەژاند کە لە پێنج کیلۆمەترى قووڵایی زەویدا بووە و زیانى بە ١٠ شار و ١٩٣٠ گوندى ئەو پارێزگا کوردییە گەیاندووە و زیاتر لە ١٠٠ خانووى ڕووخاندووە و زەرەرى پێ گەیاندوون.

بە پێى هەواڵى گەیشتوو بە تۆڕی میدیایی ئاڤاتودەى، بڕیار وایە سبەى ٣١ى پووشپەر مانگرتنى سەراسەرى مۆبایلفرۆشان دەست پێ بکاتەوە.

کوشتن و بریندناربوونى ١٦ ئەندامى ناوچەیی سوپاى پاسداران (جاش) لە بەرەبەریانى ئەوڕۆ شەممە لە ناوچەى مەریوان لە لایەن گرووپێک لە پژاک بووە.

بە پێى ئامار و توێژینەوەکانى وەزارەتى ئابوورى ئیمارات، بە کەمبوونەوە و لاوازى سەرمایەگوزارى ئێرانییەکان لە دوبەى، سەرمایەگوزارە هیندییەکان بووەتە پێشەنگى ئەو وڵاتە.

ئەنکەرا پێشتر گوتبووى گەماۆى یەکلایەنەى ئەمریکا دژى ئێران قبوڵ ناکەن، بەڵام پاش چاوپێکەوتنى دیپلۆماتەکانى وەزارەتى دەرەوەى ئەمریکا لە ئەنکەرا، ئێستا تورکیە دەڵێت گەمارۆکانى ئێران تاوتو دەکات (واتە قبوڵیان دەکات!)