گۆندی ئالوسان کە بە فارسیش پێی دەڵێن (آلوسان) و سەر بە شاری ورمێیە لە ناوچەیی برادۆستە، لە لایەن سوپاى پاسدارانەوە بڕیارى چۆڵکردنى دراوە.

دۆنالد ترامپ ئاوی پاکی بەسەر دەستی دەسەڵاتدارانی ئێراندا کرد و ڕایگەیاند دوای هەڵبژاردنەکانی ئەمریکا، هەلومەرجی ڕێککەوتن دەگەڵ ئێران زۆر دژوارتر دەبێتەوە.

ئەو قسانەی ترامپ لە کاتێکدایە کە ڕۆژنامەیەکی کوێتی بڵاوی کردووەتەوە ئێران و ئەمریکا بە نهێنی لە عەممان لە وتووێژدان.

٤٧ وڵاتی بەشدار لە دانیشتنی ئەنجومەنی مافی  نەتەوەیەکگرتووەکان لە ڕاگەیەندراوێکدا بە مەحکومکردنی پێشێلکردنی تووندی مافەکانی مرۆڤ لە ئێران، داوای ئازادکردنی بەندکراوانی سیاسیان کرد.

بلۆمبێرگ لە زمان سەرچاوەیەکی نیزیک لە دەوڵەتی ڕووسیە بڵاوی کردووەتە کە کرملین لەو بڕوایەدایە ئەگەر جۆ بایدن ببێتە سەرکۆماری ئەمریکا بۆ مۆسکۆ زۆر خراپ دەبێ و دەبێ بەهۆی ئەوەی ڕۆژئاوا لە دژی ڕووسیە زیاتر یەکبگرێت.

سەرۆکوەزیرانی لوبنان دوای مانگێک هەوڵدان بۆ پێکهێنانی کابینەیەکی ناحیزبی، ڕۆژی پێنجشەممە ٥ی ڕەزبەر دەستی لەکار کێشایەوە.

لە ناوچەی چاتلاكی سەر بە شاری وان، لە كاتی ئۆپەراسیۆنی سوپای توركیا دژی پەكەكە، ٢ هاووڵاتی كورد دەستگیر دەكەن، كە هاووڵاتییەكان لادێیین و دەیانخەنە ناو هەلیكۆپتەر و پاشان لە بەرزاییەوە فڕێیان دەدەنە خوارەوە.