فەرماندەی گشتیی هێزە چەکدارەکانی ئیسرائیل ڕایگەیاند کە بەردەوام چاوەدێری بەسەر چالاکییە تێرۆریستییەکانی ڕێژیمی ئێران لە ناوچەکەدا دەکەن و ئیزن بەو ڕێژیمە نادەن پەرە بە چالاکییە تێکدەرانەکانی بدات.
● دوێنێ پێنجشەممە، فەرماندەى گشتیی هێزە چەکدارەکانی ئیسرائیل و فەرماندەی گشتیی بنکەی فەرماندەیی ئەمریکا (سێنتکام) کۆ بوونەوە و لە کۆبوونەوەکەدا قسەیان لەسەر جموجۆڵەکانى کۆمارى ئاخوندى لە نێو ئاوە نێودەوڵەتییەکان کرد، بەتایبەت هەوڵەکانى سوپاى تیرۆریستى پاسداران بۆ بەربڵاوکردنەوەى تیرۆر لە ناوچەکە و هەوڵدانى بۆ نائارامکردنى ئاوە نێودەوڵەتییەکان. لەم بارەشەوە بەیاننامەیەک بڵاو کرایەوە و تێیدا هات:
● هێرتزی هاڵۆی فەرماندەی هێزە چەکدارەکانی ئیسرائیل:
• پێوەندیی نزیکی ئێمە لەگەڵ ئەمریکا گرینگ و چارەنووسسازە.
• بۆیەشە ئیسرائیل و ئەمریکا بەردەوامن لە هاوکارییە ستراتیژیکەکانیان لە ڕۆژهەڵاتی ناوەڕاست.
• لەم چوارچێوەیەشدا بەردەوام چاوەدێری ئاڵوگۆڕەکانی ناوچەکە دەکەین.
• بە تایبەتی چاودێرى جکوجۆڵە گێرەشێوێنەر و تێرۆریستییەکانی کۆمارى ئاخوندى دەکەین.
● ژەنەڕاڵ مایکێل کۆریلا، فەرماندەی گشتیی "سێنتکام":
• هەردوو وڵاتی ئەمریکا و ئیسرائیل هاوپەیمانن.
• ئێستا ئەرتەشی ئیسرائیل هێز و توانایەکی سەربازی باش و زۆری هەیە بۆ ڕووبەڕووبوونەوەی هەر جۆرە کردەوەیەکی تێکدەرانە لە ناوچەکە.
