AvaToday caption
لاوێکی کورد و پەیڕەوی ئایینی یارسان بە ناوی "ئازاد ڕەزایی" لە شاری کرماشان، لە لایەن هێزە تیرۆریستییە ئینتزامییەکانەوە تەقەى لێ کرا و گوللەیەک بەر سەری کەوت و گیانی لە دەست دا.
ئازاد کە تەمەنی ٢٥ ساڵ و دانیشتووی گەڕەکی دەرەدرێژ (شارەکی مەهدی)ـى شاری کرماشانە، کاتژمێر ١١ى شەوی دووشەممە بە تەقەی ڕاستەوخۆی هێزە ئینتزامییەکان و لە نزیک گۆڕەپانی نیایش کوژراوە.
بە وتەی کەسوکارەکەى، هێزە ئینتزامییەکان لە پشتەوە تەقەیان لە ئۆتۆمبێلەکەی (پژۆ ٤٠٥) کردووە و گوللەى پێ کەوتووە و دەستبەجێ گیانی لە دەست داوە.
ئازاد و سێ هاوڕێی دیکەی تەنیا لە شاردا گەڕاون، کەچى هێزە تیرۆریستییەکانى خامنەیی بانگەشەی ئەوە دەکەن کە ئەوان گرنگییان بە بازگەکەیان نەداوە و بۆیە تەقەیان لێ کردوون. ئەم بانگەشەیە لە لایەن خێزان و هاوڕێکانی ئازاد ڕەت کراوەتەوە.
