لوقمان مێهفەر ئەندامی هەیئەتی ئیجرایی حدکا بە نەخۆشى کۆڕۆنا کۆچى دوایی کرد

 حیزبی دێموکراتی کوردستانی ئێران بەم بۆنەوە ڕاگەیێنراوێکى بڵاو کردەوە کە تیایدا هاتووە:

بەوپەڕی داخ و پەژارەوە ڕادەگەیەنین کە هاوڕێی ماندوونەناس و دڵسۆز و تێکۆشەری حیزبەکەمان، حیزبی دێموکراتی کوردستانی ئێران کاک لوقمان مێهفەر ئەندامی هەیئەتی ئیجرایی ناوەندی سیاسی پاش مانگێک بەربەرەکانی لەگەڵ نەخۆشی کۆڕۆنا، بەرەبەیانی ڕۆژی شەممە ٢١ی خاکەلێوەی ١٤٠٠ی هەتاوی بەرانبەر بە ١٠ی ئاوریلی ٢٠٢١ی زایینی لە یەکێک لە نەخۆشخانەکانی شاری هەولێر کۆچی دوایی کرد.

 لوقمان مێهفەر کوڕی خورشید خەڵکى ئاوایی مەلا عیسا لە ناوچەی دەشتەبێڵی شنۆ بوو و  زیاتر لە ٤٠ ساڵە پێشمەرگەیە.