ڕێکخراوەی نێودەوڵەتی بە بڵاوکردنی ڕاگەیێندراوێک خوازیاری ئازادی بە پەلەی کامران قادری، شارۆمەندی ئێرانی ـ ئۆتریشی (نەمسایی) لە زیندنی ئێران بوو. ئەم ڕێکخراوە نێودەوڵەتییە دەڵێ کە دۆخی تەندروستی ئەم زیندانییە ناجێگیرە و پێویستی بە پێڕاگەیشتنی پزیشکی هەیە.
بەپێ ڕاپۆرتی ئەم ڕێکخراوەیە، کامران قادری کە خەریکی تێپەڕاندنی ۱۰ ساڵ زیندانی لە زیندانی ئەوین، دۆخی تەندروستی نالەبارە و لە کاتی دەستبەسەرکردنی لە ڕەشەممەی ۱۳۹٤و ڕۆژ دوای ڕۆژ دۆخی جەستەیی بەرە خراپبوون دەڕوا و بۆ داودەرمانی تۆمۆری پێی، پێویستی بە پێڕاگەیشتنی بەردەوامی پزیشکی هەیە.
کامران قادری تەمەن ٥٦ ساڵ و خەڵکی شنۆیە. دوکتەرای کارەبا و ئەلکترۆنیکی لە زانکۆی تەکنیکی ڤیەنی ئۆتریش (نەمسا) هەیە و لە بواری IT چالاکە و بەڕێوەبەری کۆمپانیای ئاوانکە لە ڤیەن کە ڕێکەوتی ۱۲ی ڕەشەممەی ۹٤، لە پاش گەیشتن بە فڕۆکەخانەی خومەینی لە ئێران، لەلایەن هێزەکانی ئیتلاعاتی کۆماری ئیسلامییەوە دەسبەسەر کرا و بەروە بەندی ۲۰۹ی زیندانی ئەوین گواسترایەوە.
