سێشەممە ٩ى ڕەشەمەى ١٤٠١ى هەتاوی، پویا ڕۆستەمى پوور ـ خەڵکى سنە لە زیندان و بە دانانى بارمتەى ٢ ملیار تمەنى، تا کۆتایی قۆناغى پێڕاگەیشتن بە دادگاییەکەى، بە شێوەى کاتى ئازاد بوو.
تۆمەتەکانى ڕۆستەمى پوور، "هاوکارى لەگەڵ یەکێک لە حزبە دژبەرەکانى کۆمارى ئاخوندى و هەنگاونان دژ بە ئاسایشى نیشتمانى" دانراوە. لە کاتی دەستبەسەرکردنیشیدا بێبەش کرابوو لە بوونى پارێزەر و بینینى بنەماڵەکەى.
ئەم لاوە، کە لە ١٢ى بەفرانبار لە سنە لە لایەن هێزە تیرۆریستییەکانى کۆمارى ئاخوندى دەستبەسەر کرا، برا بۆ گرتنگەى سوپاى شەهرامفەرى ئەم شارە.
دەستبەسەرکردنەکەى لە نێو ئۆتۆمبێلەکەیدا بووە و دواى دەستبەسەرکردنیشى، ماڵەکەیان پشکنیوە و کەرەستە ئەلیکترۆنییەکانیان ـ وەک کۆمپیوتەر و مۆبایل ـ دەست بەسەردا گرتووە.
پویا ڕۆستەمى پوور، تەمەن ٣٢ ساڵە، ڕاهێنەرى تۆپى پێ و دەرچووى بەشى بیو شیمیی زانکۆى ئازادى سنەیە.
