🌐 ئاڤاتودەی
پێنجشەممە ٦ی گەلاوێژی ١٤٠١ی هەتاوی، ئیسماعیل خەتیب وەزیری ئیتلاعاتی کۆمارى ئاخوندى لە کۆبوونەوە ئەنجوومەنى تەئمینی پارێزگای سنە، هەڕەشەی لە حیزبە کوردییەکانی ڕۆژهەڵاتى کوردستان و حکوومەتی هەرێمی کوردستان کرد لەسەر ئەوەى کە دژی ڕێژیمی ئاخوندى خەریکى کار و تێکۆشانن.
وەزیری ئیتلاعاتی کۆمارى ئاخوندى گوتووشیەتى کە:
▫️ چەند کەسمان لەسەر هەوڵدان بۆ تەقاندەوەى دامەزراوە هەستیارەکانى ئیسفەهان و کردەوەى دژە ئینقیلابی و لە حیزبی کۆمەڵە دەستبەسەر کردووە.
▫️ ئەو وڵاتانەى کە بوار بۆ ئەم کارانە دژى کۆمارى ئیسلامى خۆش دەکەن، دەبێت چاوەڕوانى تاوانەکەشى بن.
▫️ ئیتلاعات ئاگادارى جووڵەی دووژمنەکانیەتى و بە توندترین شێوە تۆڵەیان لێ دەکاتەوە.
▫️ حیزبە تیرۆریستییەکانى دژبەرى ئێران (مەبەستى ئۆپۆزسۆنیى ڕۆژهەڵاتى کوردستانە)، نۆکەرى دەستی وڵاتانی ئیسرائیل و وڵاتانى دیکەن.
▫️ هەرێمى کوردستانیش وەک شوێنى مانەوەى ئەم گرووپ و حزبانەى دژ بە کۆمارى ئیسلامى، دەستى هەیە لە پشتیوانیکردنى ئەم گرووپ و حزبانە و ئیسرائیل کە لە پشتیانە بۆ ئەوەى دزە بکەنە ئێران.
▫️ ئێمە بە ئاسانى ڕێگە نادەین هەر کارێک پێیان خۆش بێت بیکەن!
