تیمەى تۆپى دەستى (هاندباڵ) ژنانى شارى سنە کە سەرکەوتنێکى زۆرى بەدەستهێنا بوو و چەندین ساڵ بوو لە لیگە باشەکان یارى دەکرد، نزیکەى سێ ساڵێکى ڕووبەڕووى قەیرنێکى دارایی بووەتەوە و بەشێوەیەک کە یاریزانەکان بۆ یاریکردن لە شارەکانى تر پارەیان نەبووە پاس بگرن و بەشدارى یارییەکان بکەن و هەروەها لەسەر پارەى گیرفانى خۆیان هاتوچۆ دەکەن.
هەر ئەمەش واى کرد کە پارساڵ تیمەکە داکشایە خوارەوە بۆ لیگى یەکى هانداڵ و لەوێ پلەى یەکەمیان بەدەست هێنا، بۆیە دەبوو دووبارە بگەڕێنەوە بۆ لیگى باڵام بەڵام هیچ پارەیەکیان بۆ نەمابووەوە بۆ ئەوەى ڕاهێنان و مەشقى پێ بکەن و کەلوپەلى نوێ بکڕن و یا هاتوچۆى یاریگاکەیانى پێ بکەن.
بۆیە زۆربەى یاریزانەکان تیمەکەیان بەجێ هێشت و بەم شێوەیە تیمەکە ههەڵوەشایەوە و یاریزانەکانیش بڕیاریان داوە چیتر یارى نەکەن.
هەرچەندە کەسانى بەنێوبانگ و ناوچاکیان هەیە بۆ ڕاهێنەرى کە ئەزموونى زۆریشیان هەیە و لە باشترینەکانى ئێرانن، بەڵام بەداخەوە بەرپرسانى گەندەڵى تیمەکە و پارێزگارە ئاخوندەکەى ئەم شارە بە هۆى دزى و گەندەڵییەوە ئاگایان لە تیمەکە نەماوە و بەجێیان هێشتووە بۆ حاڵى خۆى.
هەرچەندە یاریزانەکان چەندین جار بەرپرسانى ڕژێمیان لە شارى سنە ئاگادار کردووەتەوە و حاڵى خۆیان بۆ شەرح کردوون کە دۆخیان خراپە و خەریکە هەڵدەوەشێنەوە و تەنانەت لە تۆڕە کۆمەڵایەتییەکانیش پۆست و گلەییان کردووە، کەچى کەس کڕیارى قسەیەکیان نەبووە و کەس بە هاناى تیمەکەوە نەهات.
