حوسێن عەلەم هولی تەمەنی ١٨ ساڵە. ١٠ مانگ پێش ئیستا لە کاتی کۆڵبەریدا هێزی ئینتیزامی کۆماری ئیسلامی لە لێواری سنووری چالدوران تەقەی لێکرد و برینداریان کرد. ١٠ مانگ لە برین هەڵگرتنی حوسێن تێدەپەڕێت کەچی هەتا ئیستاش هەر بە گوچان دەتوانێ بەڕێگەدا بڕوات.
ڕژیمی ئێران جگە لە کووشتن، سێدارە، برسیەتی و سەرکووتی خەڵکی ڕۆژهەڵات هیچ دیاریەکی دیکەی پێ نەبووە.
دامەزراندنی ئێرانی مۆدێڕن لەسەر بنەمای سڕینەوەی جەستەیی و مێژوویی کورد بووە و هاواری دیموکراتیزە کردنی ئێران لە لایەن کوردەوە هەموو کات تیرۆری سەرکردە و ڕێبەرانمانی بەدواوە بووە.
سمکۆی شکاک، هەمزاغای مەنگوڕ، قازی محەمەد، سمایل شەریفزادە، سولەیمان موعینی، مەلا ئاوارە هەتا دەگاتەوە قاسملوو، شەڕەفکەندی، فواد مستەفا سوڵتانی، تەقینەوەی شەوی یەڵدا و مووشەکبارانی قەڵای دیموکراتەکان وڵامی ڕژیمە یەک لە دوای یەکەکانی ئێران بۆ داوا سەرەتاییەکانی کورد بوون.
