سێ ساڵ دوای تیرۆری ئەنوەر ڕۆستەمی مامۆستای خۆش نێوی خەڵکی بانە، ئیتلاعاتی سوپای پاسداران ڕؤژانە گوشار دەخاتە سەر منداڵ و ئەندامانی بنەماڵەی ئەو مامۆستایە.
بە پێی ئەو هەواڵانەی بە ئاڤاتودەی گەیشتووە برایانی لوتفی" بێهزاد، ئیبراهیم، محەمەدئەمین و مەجید" کە لە جاش پاسدارەکانی بانەن و بکوژانی ئەنوەر رۆستەمین هەموو ڕۆژێ هەڕەشەی کووشتن لە منداڵەکانی ئەنوەر ڕۆستەمی دەکەن و کێشەیان بۆ ساز دەکەن.
ئەندامانی سوپای پاسداران بە شکاندنی شیشەی ماڵی تاهیرخان بابی شەهید ئەنوەر ڕۆستەمی و درووستکردنی ترس بۆیان هەوڵ دەدەن نەهێڵن ئەو بنەماڵەیە سکاڵا تۆمار بکەن و بەدواداچوون بۆ کووشتنی شەهید ئەنوەر ڕۆستەمی بکەن.
ئەو جۆرە کردەوە دژی مرۆڤانەی سوپای پاسداران و ئیتلاعات لە کوردستان تازە نییە بەڵام بە سرنجدان بە هەلومەرجی شۆڕشگێری لە ڕۆژهەڵاتی کوردستان داوا لە خەڵکی بە شەرەفی بانە دەکەین ناوونیشانی تەواو و ژمارە تەلەفۆن و شوێنی نیشتەجێبوونی ئەو پاسدارانەمان بۆ بنێرن" بێهزاد، ئیبراهیم، موحەمەد ئەمین و مەجید لوتفی" بۆ ئەوەی بیاندەین بە ڕێکخراوە نێودەوڵەتیەکان و ناوەکانیان تۆمار بکەین هەتا لە دوای ڕووخانی کۆماری ئیسلامی لێکۆلینەوەیان لەگەڵ بکرێت.
