ئایەتوڵا خومەینى پێش کردنى کۆمەڵێک بڕیارى سەیر و سەمەرەى دەرکرد کە زۆرێکیان کێشەى نایەوە و هەندێکى تریان بوونەتە سەرئێشە بۆ خەڵکى ئێران. لێرەدا هەندێک لەو بڕیارانەى خومەینى دەخەینە ڕوو:
ـ لەکارلادانی حوسێن عەلی مونتەزیری لە جێگرایەتی خۆی و تاوانبارکردنی ناوبراو بەوەی گوێڕایەڵی لیبڕال و موجاهیدینەکانە
ـ داوای لە سێدارەدانی ئەو فەرماندە شەڕانەی ئێران کە لە کاتی شەڕی ئێران و عێراق تووشی هەڵە بوون و تەنانەت داوای ڕەچاونەکردنی یاساکانی شەڕیشی کرد
ـ فەرمانی لەسیدارەدانی ئەندامانی ڕێکخراوی موجاهیدینی خەڵک و بە پیی ئەو بڕیاڕە هەزاران کەس لە بەندکراوانی سیاسی ئێران بە تایبەت ئەندامانی موجاهدینی خەڵق لە سێدارە دران.
ـ بڕیاڕی سێدارەدان بۆ ژنێک کە لە بەرانامەیەکی ڕادیۆییدا گووتبووی دەبێ ئۆلگوی ژنی ئێرانی ئۆشین بێت. بەڕێوەبەرانی ئەو بەرنامە هەر کام بە چوار ساڵ زیندان و لێدانی ٤٠ قامچی سزا دران.
ـ فتوای کوشتنی سەلمان ڕوشدى نووسەری کتێبی ئایاتی شەیتانی و داواکردن لە موسڵمانانی جیهان بۆ ئەوەی لە هەر کوێ توانیان سەلمان ڕوشدی دەستبەسەر بکەن و لە سێدارەی بدەن. هەر لەو پەیوەندییەدا دامەزراوەی ١٥ خورداد کە یەکێک لە دامەزراوەکانی ژێر دەسەڵاتی خومەینی بوو خەڵاتی بۆ ئەو کەسە دانا کە بتوانێ سەلمان ڕوشدی سزا بدات.
