ئەوڕۆ دۆناڵد ترامپ سەرکۆمارى ئەمریکا و بنیامین نەتانیاهۆ سەرۆکوەزیرانى ئیسرائیل لە ئەمریکا لە کۆنفڕانسێکى رۆژنامەنووسیدا قسەیان کرد. کە لێرەدا قسەى هەردووک سەرۆک دەگوازینەوە:
▪️ دۆناڵد ترامپ سەرکۆمارى ئەمریکا گوتى:
ـ ئێمە لە ڕێککەوتنى مەترسیدارى ئێران چووینە دەرەوە
ـ ئێمە گەورەترین و توندترین گەمارۆمان لەسەر ئێران دانا
ـ ئێران چیتر ئەو وڵاتە نییە کە وەک سەرەتاى هاتنەسەرکارى ئێمە هەبوو
ـ ئێمە لەبەرامبەر دیکتاتۆرەکان دەوەستینەوە کە درووشمى مەرگ بەر ئێران و ئیسرائیل هەڵدەدەن
ـ تەنانەت دەرفەتى بیرکردنەوش نادەینە ئەو وڵاتانە دژمانەوە دەوەستنەوە
ـ لە ١٠٠ ساڵى ڕابردوو مرۆڤایەتى شاهیدى پەیامى دژەیەهودى بووە
ـ لە دونیایەک کە وڵاتێک بۆ یەهودییەکان نەبوو، ئێستا وڵاتێکى بەهێز دەبینین
ـ ئەوڕۆ ئیسرائیل ئەو توانایەى خۆى نیشان دەدات و وڵاتێکى بەهێزە
ـ هیچ نمونەیەکى باشتر لەوەى کە ئیسرائیل نیشانى داوە لەو سەحرا و تۆزە، نابینیتەوە
ـ ئیسرائیل دۆست و هاوپەیمانێکى گەورە و باشى ئەمریکا بووە
▪️ بنیامین نەتانیاهۆ سەرۆکوەزیرانى ئیسرائیل گوتى:
ـ دۆناڵد تۆ بەردەوام پشتگیرى لە ئیسرائیل و مافى ئێمە دەکەیت.
ـ دوێنێ مووشەکێک لە ناوندى غەزەوە دوو منداڵى بریندار کرد، ئیسرائیل قبوڵى ئەمە ناکات
ـ ئێمە کارێک کە دەبێت بیکەین دەیکەین بۆ ئەوەى بەرگرى لە خەڵکەکەمان بکەین
ـ بۆ من گرنگ بوو بێمە کۆشکى سپى تا سوپاسى تۆ بکەم
ـ من بیرمە کە یەکەم جار چاومان پێک کەوت و گوتت لە ڕێککەوتنە مەترسیدارەکەى بەرجام دەردەچم
ـ تۆ گەمارۆت خستە سەر ڕژێمێک کە مەرگ بەر ئیسرائیل دەکات
ـ سەرۆک ترامپ تۆ دوو کارى گەورەت بۆ ئێمە کرد:
یەکەم: قودست وەک پایتەختى ئیسرائیل ناساند و باڵیۆزخانەکەت بۆی گواستەوە
دووەم: ئێستاش بەرزاییەکانى جۆلانت وەک زەوى ئیسرائیل هەژمار کرد.
ـ ئێمە لە بەرزاییەکانى جۆلان بەرمان بە هێرشى سوریا گرت.
ئێران هەوڵ دەدات هەندێک بنکە لە ئیسرائیل دابمەزرێنێت تا لێوەى هێرش بکاتە سەر ئیسرائیل
ـ ئێمە هەرگیز بەرزاییەکانى جۆلان لەدەست نادەینەوە
ـ ئێستا دوو گەل لەگەڵ جۆلانن کە ئەوانیش ئیسرائیل و ئەمریکان.
