کوردستان

لە ماوەی چەند رۆژی رابردوودا لە شارەکانی سنە، جوانڕۆ و سەقز ١١ هاونیشتمانی دیکەش، دوای ناڕەزایەتییەکان بە سزای لەسێدارەدان، لەلایەن هێزە ئەمنییەکانەوە دەستگیر کراون.

لە رووداوێکی هاتوچۆدا لە نێوان شارەکانی ئیلام و مێران ٣ کەس گیانیان لەدەستدا و ١١ کەسی دیکەش بریندار بوون.

لە شاری ئیلام دوو کوڕی گەنج بەهۆی لێچوونی گاز و لە شاری نەغەدەش دایک و کوڕێک بەهۆی تەقینەوەی گاز گیانیان لەدەستدا و ٢  کەسی دیکەش بریندار بوو.

رەشید ئەحمەدی، ناسراو بە مامە رەشی لەگزی گۆرانیبێژی ناوداری ناوچەی سەقز و خەڵکی گوندی لەگزی، لە تەمەنی ١٠٠ ساڵیدا رۆژی ٨ی رێبەندانی ١٤٠٣ بەهۆی بەساڵاچووی و نەخۆشییەوە کۆچی دواییکرد.

حکومەتی ئێران یاسای "بژێوی دانیشتوانی سنووری" بۆ رێکخستنی کۆڵبەریی بە دامودەزگا جێبەجێکارەکان راگەیاند و بەپێی پرۆژە یاساکە دانیشتوانی شارە سنوورییەکان دەتوانن کۆڵبەریی بکەن.

ئەو کەسانەی دەستدرێژییان کردبووە سەر فەرید سادقی، کوڕێکی مێرمنداڵی خەڵکی شاری قوروە، سزای لەسێدارەدانیان بەسەردا سەپێنراوە.

مامۆستایەکی زانکۆی ئیلام دەڵێت: لەم پارێزگایەدا ٤٧٠ کارگەی بەرهەمهێنەر هەن، بەڵام بەهۆی پاڵپشتی نەکردنی بەرپرسانەوە، ٤٠٪ی کارگەکان داخراون و ئەوانی دیکەشیان بەرەو داخران دەڕۆن.