ڕۆژنامەی گاردیانی بەریتانی، لە ڕاپۆرتێکدا ئاشکرای دەکات، ئێران لەکاتی هەڵکشانی گرژییەکانی ڕۆژهەڵاتی ناوەڕاستدا، توانیوویەتی توانای خۆی بۆ پێکانی بنکە سەربازییەکانی ئەمریکا و دامەزراوە هەستیارەکان پەرە پێبدات.
هەینی کایا کالاس، بەرپرسی سیاسەتی دەرەوەی یەکێتیی ئەوروپا لە هەژماری خۆی لە تۆڕی کۆمەڵایەتیی "ئێکس" نووسیویەتی: سەرەڕای سەرنجی جیهان لەسەر جەنگی ڕۆژهەڵاتی ناوەڕاست، نابێت سەرکوتکارییەکانی ئێران دژی هاووڵاتییانی خۆی فەرامۆش بکرێت.
ڕۆژی هەینی، فەرمانگەی چاودێریی داراییە بیانییەکانی سەر بە وەزارەتی گەنجینەی ئەمریکا (OFAC)، سزا و گەمارۆی نوێی بەسەر چوار كەس و نۆ کۆمپانیا لە ناوخۆ و دەرەوەی ئێراندا سەپاند، کە بەشێکی بنەڕەتین لە تۆڕە بەرفراوانەکەی سەر بە سەرمایەداری ئێرانی، بابەک زەنجانی، بە تۆمەتی تێوەگلان لە سپیکردنەوەی پارە
دۆناڵد ترەمپ، سەرۆکی ئەمریکا رایگەیاند: بە جیدی بیر لە دەستپێکردنەوەی جەنگێکی گشتگیر دژی ئێران دەکاتەوە و هۆشداریی دا لەوەی هێرشی داهاتوو زۆر گەورەتر دەبێت.
کۆماری ئیسلامیی ئێران مەهدی خانەکی، یەکێک لە بەشداربووانی خۆپیشاندانەکانی "بەفرانبار"ـی بە تۆمەتی سیخوڕی و هاوکاری لەگەڵ ئەمریکا و ئیسرائیل لەسێدارە دا.
مارکۆ روبیۆ، وەزیری دەرەوەی ئەمریکا، لە پەراوێزی کۆبوونەوەی وەزیرانی دەرەوەی کۆمەڵەی وڵاتانی باشووری ڕۆژهەڵاتی ئاسیا ئاماژەی بەوە کرد، ئاستەنگی سەرەکی لەبەردەم زیندووکردنەوەی رێڕەوی دیپلۆماسی ئەوەیە ئێران بۆ گفتوگۆکان رژد نییە.
ژان نویل بارو، وەزیری دەرەوەی فەرەنسا ڕایگەیاند، ئێوارەی ڕۆژی یەکشەممە دوو کارمەندی باڵوێزخانەی ئەو وڵاتە لە تاران لە لایەن ھێزە ئەمنییەكانی كۆماری ئیسلامییەوە، دەستبەسەر و لێپرسینەوەیان لەگەڵ کراوە و مامەڵەی "زۆر جیددی و تۆقێنەرانە"یان لەگەڵ کراوە.
ئاژانسی هەواڵی ڕۆیتەرز بە پشت بەستن بە بەرپرسێکی باڵای کۆماری ئیسلامیی ئێران بڵاوی کردووەتەوە نێوەندگیران پێشنیارێکیان پێشکەش بە کۆماری ئیسلامیی ئێران کردووە کە ئامانج لێی کەمکردنەوەی گرژییەکانی شەڕە لەگەڵ ئەمەریکا.
پۆلیسی سیستان و بەلووچستان ڕایگەیاند، بەیانیی ئەمڕۆ مەولەوی محەممەد ئەنوەر ڕێگی، ئیمام جومعەی سوننە مەزهەبەکانی شاری میرجاوە، لەلایەن چەکدارانی نەناسراوەوە تیرۆر کرا.
دەزگای دادوەریی کۆماری ئیسلامی، جێبەجێکردنی سزای لەسێدارەدانی "عیرفان ئێسفەندیاری" و "گوڵمحەممەد محەممەدی"، دوو لە دەسبەسەرکراوانی خۆپیشاندانەکانی مانگی بەفرانباری لە بەندیخانەی دەستگردی ئێسفەهان ڕاگەیاند.
