مەحموود سادقی، نوێنەری تاران لەپەڕلەمانی کۆماری ئیسلامی، ڕخنەی لە شێوەی هەڵبژاردنی ئاخێونەرانی کۆبوونەوە خوێندکارییەکان لەگەڵ خامنەیی گرت کە هەموویان لە یەک لایەنی سیاسی بوون. سادقی گوتی: کاتێ چاوپێکەوتنی خامنەیی لە گەڵ خوێندکاران، بە چەند دەستە بە ناوە جۆراوجۆرەکان بەڵام لە ڕاستیدا هەموویان لە لایەنێکی دیاریکراو بەرتەسک دەکرێتەوە وقسەکانی ئەمانەش سانسۆردەکرێ، ئەوکات قسەکانیان ناتوانێ بە سەد فەن و فێڵی دەنگوڕەنگەکانیش لە بازنەی ئەو لایەنە بەرتەسکە بەربڵاوتر بڕوا.
چوارشەممە ۱ی جۆزەردان تاقمێک لە خوێندکاران و دامەزراوەخوێندکارییەکان، لەگەڵ ڕێبەری کۆماری ئیسلامی کۆبوونەوەیان هەبوو و نوێنەرانی هەندێ لەم دامەزراوانەش لەم کۆبوونەوە قسەیان کرد. بەوتەی چالاکانی خوێندکار، تەنیا ئاخێونەری ڕخنەگر، شەوێک پێش لە بەڕێوەچوونی کۆبوونەوەکە وەلانرا.
عەلی نانوایی، چالاکی خوێندکار سەبارەت بەمە نووسیبووی: نوێنەری تەنیا دامەزراوەی نابناژووخواز(ڕێفۆرمخوازی هێواش)یان، شەوێک پێش لە کۆبوونەوەکە وەلانا تا وەکوو هەمیشە تریبونی ڕێوەڕەسمەکە لە بەردەستی کەسانی خۆفرۆشی سەر بە دەسەڵات بێت.
