پۆمپئۆ لە مەراسیمى دامەزراوەى یەکگرتن دژى ئێرانى ئەتۆمى: ئەمریکا پشتیوانى خەڵکى ئێرانە
ئەمڕۆ مایک پۆمپئۆ وەزیرى دەرەوەى ویلایەتە یەکگرتووەکانى ئەمریکا لە مەراسیمى دامەزراوەى "یەکگرتن دژى ئێرانى ئەتۆمى" وتارێکى پێشکەش کرد لەسەر کۆمارى ئیسلامى و هەوڵە تیرۆریستییەکانى لە ناوچەکە و دونیا.
ئەمەش بەشێکە لە قسەکانى وەزیرى دەرەوەى ئەمریکا:
▫ لە هێرشى ئێران بۆ سەر دامەزراوە نەواتییەکانى عەرەبستان، ئەگەرى هەبوو ژمارەیەک کەس بکوژرێن.
▫ بەڵام بەختەوەرانە کەس نەکوژرا و هەموو ناوچەکە بەخت یاوەرى بوو.
▫ ئەمریکا بە هۆى هەڵکەوتە و شوێنگەى خۆى لە بەرجام نەهاتە دەرەوە، چونکە پژمەى ڕژێمى ئێران تێکەڵ بە خوێن بوو.
▫ ڕژێمى ئێران لە چل ساڵى ڕابردوو بۆ خەڵکەکەى خۆى و ناوچەکە، جگە لە وێرانى هیچى ترى نەهێناوە.
▫ ئێمە دەمانهەوێت دڵنیا ببینەوە کە یاخیترین ڕژێمى دونیا دەستى نەگاتە مەترسیدارترین چەکى دونیا.
▫ ئێمە هەندێک لە بەرپرسانى ڕژێمى ئێرانمان کە دەستیان بە خوێن سوورە تەحریم کردووە و گەمارۆمان خستوونەتە سەر.
▫ گەمارۆکانى ئێمە بێ ئەمان و کاریگەر بوونە.
▫ دەوڵەتى ئەمریکا پشتیوانى لە خەڵکى ئێران دەکات.
▫ کاتى ئەوەیە کە ڕژێمى ئێران خەڵکەکەى خۆى بخاتە سەرووى هەموو شتێکەوە.
▫ ڕژێمى ئێران بەردەوام درۆ دەکات.
▫ سەرۆک ڕوحانى و زەریف گفتوگۆ و چاوپێکەوتن دەکەن و درۆ دەکەن.
▫ بەڵام درۆکانیان ئاشکرا دەبێت.
▪ ئێمە ئەورۆ دوو هەنگاوى نوێ هەڵدەهێنینەوە:
▫ یەکەمیان دەمانەوێت سوپاى کۆمارى ئیسلامى لە بونیادى ئابوورى جیا بکەینەوە و ئەو وڵاتانە سزا دەدەین کە هاوکارى ئەم سوپایە دەکات.
▫ دووەمیان، دەست دەخەینە سەر هەندێک ناوەندى چینى کە هاوکاریی کۆمارى ئیسلامییان لە قاچاخی نەوت کردووە و گەمارۆیان دەخەینە سەر.
▫ ئێمە گەمارۆ دەخەنە هەر لایەن و کەسێک کە گەمارۆکان پشتگوێ و یا پێشێل دەکات.
▪ پێویستە وڵاتانى دونیا هەر هەموویان هاوکارمان بن:
▫ هاوکارى بکەن بۆ پاراستنى ئازادى کەشتیڕانى
▫ ئێرانى بگەڕێننەوە بۆ سەر مێزى گفتوگۆ
▫ بگەڕێنەوە لاى ئێمە و ئیسرائیل چونکە جیهان پێویستى بە هەمووانە.
▫ ئامانجى ئێمە زۆر دیار و ڕوونە.
▫ ئیرادەى ئێمە شێلگیرانەیە و دونیا بەئاگادەهێنینەوە
▫ هەموو وڵاتەکان ئەرکیانە هەنگاو هەڵێننەوە
▫ بەرەکاتى خوا بۆ حاڵى ئێوە و گەلى ئێران
شایەنى باسە، یەکیەتى دژى ئێرانى ئەتۆمى، کە بە ئینگلیزى دەکاتە (United Against Nuclear Iran) و کورتکراوەکەى دەکاتە (UANI)، دامەزراوەیەکى سەربەخۆى غەیر ئینتفاعى و ناحیزبییەو بەر بە ڕژێمى ئێران دەگرێت لەوەى کە نەگاتە دەسەڵاتێکى ناوچەیی و چەکى ئەتۆمى.
سەرۆکى دەستەى بەڕێوەبەرى ئەم ڕێکخراوەیە، جۆ لیبرمەن سیناتۆرى پێشووى مەجلیسى سەناى ئەمریکایە لە کنتیکت.
