AvaToday caption
ئیتلاعات نەیهێشت بۆ ماوەی ٨٠ ڕۆژ بنەماڵەی ئەو بەندکراوە هیچ زانیارییەکیان لەسەر چارەنووسی کوڕەکەیان هەبێت
سەید مستەفا مستەفەوی ـ ئاڵبلاغ خەڵکی شاری بۆکان شەوی ڕابڕدوو دوای ٨٠ ڕۆژ مانەوە لە گرتووخانەی ئیتلاعاتی ورمێ و ئەشکەنجە و لێدانێکی زۆر جارێکی دیکە گەڕێندراوە بۆ گرتووخانەی گشتی شاری ورمێ.
ئەو بەندکراوە سیاسییە بە تاوانی کوشتنی جاشێک بە ناوی حوسێن شوانکارە لە هاوینی ساڵی ٩٧ لە لایەن هێزە ئیتلاعاتییەکانی کۆماری ئیسلامی لە سەرەتای مانگی سەرماوەزی ڕابردوودا قۆڵبەست کرا و دوای ٢٧ ڕۆژ لێکۆڵینەوە و ئەشکەنجەکەی زۆر لە ژوورە تاکەکسییەکانی گرتووخانەی ئیتلاعاتی ورمێ بۆ بەندی ٣ و دواتر بۆ بەندی ١٢ زیندانیانی سیاسی ڕاگوێزرابوو.
دوای ماوەیەک دووبارە مستەفا بۆ ئیدارەی ئیلاعات ڕاگوێزرابوو و دوای ٨٢ ڕۆژ لێکۆڵینەوە و ئەشکەنجە و لێدان و هەروەها بێ ئاگاداری بنەماڵەکەی لە چارەنووسی دوێنێشەو جارێکی دیکە ڕاگوێزراوە بۆ گرتووخانەی گشتیی شاری ورمێ.
