ساڵی ١٩٣٠ یەکەمین کۆمەڵەی ژنان بە ناوی کۆمەڵەی ئافرەتانی کورد بە سەرۆکایەتی حەپسە خانی نەقیب دامەزراوە.
حەپسە خان ساڵی ١٩٣٠ نامەیەکی سیاسی مێژوویی بۆ ڕێکخراوی نەتەوەکان لە ژنێف نووسی و ڕاشکاوانە داوای مافی کوردی کرد لە سەر خاکی کوردستان.
حەپسە خانی نەقیب ژمێکی سیاسەتوان و خێرخواز و چالاکی مافی ژنان بوو و ئامۆزای شێخ مەحمودی حەفید و هاوسەری شێخ قادری حەفید بوو.
ساڵی ١٩٢٣ کە سمکۆی شکاک هاتە سلێمانی و پێشوازی لێکرا ژنانی سلێمانی بە کاریگەری حەپسە خان ڕۆڵی بەرچاویان گێرا و ڕژانە سەر شەقامەکان.
کاتێک کە کۆماری کوردستان دامەزرا حەپسە خان بە هەموو تواناوە یارمەتی دارایی کۆمار و پێشەوا قازی کرد و پێشەوا سوپاسنامەیەکی بۆ نارد و ڕێزی تایبەتی لێنا.
حەپسە خان لە تەمەنی ٦٢ ساڵی لە ڕۆژی ١٢ خاکەلێوەی ساڵی ١٣٥٣ بە هۆی نەخۆشی شێرپەنجە کۆچی کرد و لە گردی سەیوانی شاری سلێمانی بەخاک سپێردرا.
