لە ھەرێمی کوردستان ڕۆژی ١٠ی مارس وەك ڕۆژی جلی كوردی ناودێر كراوە و ئەو ڕۆژە لە زۆربەی خوێندنگا و کۆلێژ و دامودەزگا حکوومی و تایبەتییەکان جلی كوردی لەبەر دەكرێت.
له چەندین ساڵ پێش، به پیشنیاری ئەویندارانی کەلتووری کوردی و چالاکانی کۆمەڵایەتی، بۆ ڕێز گرتن له داب و نەریت باو و باپیرانمان و بەرز ڕاگرتنی کەلتووری ڕەسەنی کوردی، حکوومەتی هەرێمی کوردستان ڕۆژی ١٠ی مارسی وەکو ڕۆژی جلی نەتەوەیی یان جلی کوردی دەستنیشان کرد.
لەم ڕۆژەدا، هەموو دام و دەزگاکانی حکوومەت، قوتابخانه و زانکۆکان و تەنانەت خەڵکی ئاسایی ڕێوڕەسمی تایبەت بۆ بەرز نرخاندنی ئەم ڕۆژه بەڕێودەبەن.
کارمەندان به جلی کوردی له شوێنی دەوامیان ئاماده دەبن و قوتباخانه و زانکۆکانیش بۆ خوێندکارانیان سەیران له سرۆشتی کوردستان ڕێک دەخەن و خەڵکی ئاساییش بە پۆشینی جلی ڕازاوەی کوردی سەردانی ئازیزانیان دەکەن.
جلی کوردی لەڕووی شێواز و پۆشینەوە لە ناوچەیەکەوە بۆ ناوچەیەکی تری کوردستان جیاوازە. لە پەیدابوونی کەلتوری جلوبەرگی کوردی تا ئێستا گۆڕانکاری بەسەر شێوەکەی ھاتووە بەڵام مۆرکی نەتەوەیی پاراستووە و توانیویەتی تا ئەمڕۆ بەزیندوویی لەنێو کوردان بمێنێتەوە.
