مەسعوود بارزانی، سەرۆکی پارتی دیموکراتی کوردستان، ڕۆژی چوارشەممە لە میانەی سەردانەکەیدا بۆ ئیتاڵیا و ڤاتیکان، زنجیرەیەک کۆبوونەوەی لەگەڵ پاپ و بەرپرسانی باڵا ئەنجام دا و تیشکی خستە سەر مەترسییەکانی تێکچوونی دۆخی سووریا و هەڕەشەی گرووپە توندڕەوەکان.
ڕێکخراوێکی مافی مرۆڤ ڕایگەیاند، پێدەچێت ژمارەی کوژراوانی خۆپێشاندانەکانی ئەم دواییەی ئێران و رۆژهەڵاتی کوردستان، تەنانەت لە بەرزترین ئەو خەمڵاندنانەش زیاتر بێت کە تاوەکو ئێستا لە میدیاکاندا بڵاوکراونەتەوە و ڕەنگە ژمارەی کوژراوەکان بگاتە 20 هەزار کەسیش.
وەزارەتی بەرگریی سووریا و هێزەکانی سووریای دیموکرات (هەسەدە) لەسەر ئاگربەستێکی چوار رۆژە ڕێککەوتن، ئەمەش دوای زنجیرەیەک گرژیی سەربازی لە ناوچەکانی ڕۆژئاوای کوردستان. ڕێککەوتنەکە تێکەڵکردنی هەسەدە بە سوپای سووریا و سپاردنی پۆستی باڵا بە فەرماندەیەکی هەسەدە لەخۆدەگرێت.
ڕاپۆرتەری تایبەتی ئەنجوومەنی مافەکانی مرۆڤی نەتەوە یەکگرتووەکان ڕایگەیاند، پێویستە لێژنەیەکی سەربەخۆ لێکۆڵینەوە لە ئەگەری ئەنجامدانی "تاوان دژی مرۆڤایەتی" لەلایەن کۆماری ئیسلامیی ئێرانەوە بکات، ئەمەش لە چوارچێوەی سەرکوتکردنی خۆپێشاندانەکانی ئەم دواییەی ئەو وڵاتەدا.
گوتەبێژی دەسەڵاتی دادوەریی ئێران رایگەیاند، ئەو کەسانەی لە کاتی ناڕەزایەتییەکاندا دەستبەسەر کراون، ڕووبەڕووی "توندترین سزا" دەبنەوە. ئەم لێدوانە لە کاتێکدایە کە واشنتن هۆشداریی توندی داوەتە تاران لە ئەنجامدانی هەر لەسێدارەدانێکی خۆپێشاندەران.
هاوکات لەگەڵ هەڵکشانی پێکدادانە مەیدانییەکان لە باکوور و ڕۆژهەڵاتی سووریا، هەوڵە نێودەوڵەتی و هەرێمییەکان بۆ هێورکردنەوەی گرژییەکانی نێوان سوپای عەرەبیی سووریا و هێزەکانی سووریای دیموکرات (هەسەدە) دەستیان پێکردووە.
شایەتحاڵان و رێکخراوەکانی مافی مرۆڤ وردەکاریی نوێ لەبارەی رووداوەکانی رۆژانی 8 و 9ی کانوونی دووەم لە شاری رەشتی باکووری ئێران ئاشکرا دەکەن و دەڵێن، هێزە ئەمنییەکان دوای گەمارۆدانی خۆپێشاندەران لەنێو بازاڕی شارەکەدا، ئاگریان لە بازاڕەکە بەرداوە و تەقەیان لەو کەسانە کردووە کە هەوڵی هەڵاتنیان داوە.<
بڕانی سەرانسەریی هێڵەکانی ئینتەرنێت لە ئێران، کە لەلایەن حکومەتەوە بۆ رێگری لە بڵاوبوونەوەی هەواڵی ناڕەزایەتییەکان پەیڕەو کراوە، پێی نایە دووەم هەفتەیەوە.
ئۆرسۆلا فۆن دێر لاین، سەرۆکی کۆمیسیۆنی ئەوروپا رایگەیاند، یەکێتیی ئەوروپا تاوتوێی سەپاندنی سزای تووندتر بەسەر ئێراندا دەکات و ئەوەی لەو وڵاتەدا روودەدات بە "کارەساتێکی مرۆیی" ناوبرد.
نوێنەری ئەمریکا لە نەتەوە یەکگرتووەکان هۆشداری دەدات کە واشنتن بۆ رێگریکردن لە "کوشتار" لە ئێران، پەنا بۆ هەموو بژارەکان دەبات و جەخت لەوە دەکاتەوە کە سەرۆکی وڵاتەکەی "پیاوی کردارە".
